LAJM QEVERITAR* | KRYETARI I KËSHILLIT TË MINISTRAVE I REPUBLIKËS SË SHQIPËRISË EDI RAMA: AUTOMOTOPARKU I ELBASANIT DO TË SHËRBEJË SI QENDËR EVROPIANE PËR RRITJEN E SIGURISË RRUGORE.

*Paralajmërim | Ky është lajm qeveritar dhe si i tillë duhet marrë me shumë rezerva, sepse, brenda vetes mund të mbartë propagandë dhe mashtrim zgjedhor (elektoral) të subjektit politik pushtetmbajtës (Partia Socialiste e Shqipërisë) në Republikën e Shqipërisë, e cila, është tejet e specializuar në shpëlarjen e trurit të masave të gjera të shoqërisë shqiptare.

Tiranë, Shqipëri | Kryetari i Këshillit të Ministrave i Republikës së Shqipërisë Edi Rama deklaroi se Automotoparku i Elbasanit do të shërbejë si një qendër europiane për rritjen e sigurisë rrugore sipas modeleve më të mira që ka sot Evropa.

Gjatë prezantimit të projektit për transformimin e Parkut Metalurgjik në Elbasan, kryeministri Rama u ndal te një tjetër projekt me impakt në zhvillimin e qytetit.

“Automotoparku, sjell cirkuitin e Formula 1 që do ta ketë si qershi mbi tortë, por nuk është një investim thjesht dhe vetëm për Formula 1 që është 3 ditë në vit”, tha kryeministri Rama.

“Do të shërbejë si qendër europiane për rritjen e sigurisë rrugore sipas modeleve më të mira që ka sot Europa dhe falë edhe partneritetit të ndërtuar me qendrën e sigurisë rrugore në Austri”, tha kryeministri Rama.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit