___.png)
Lezhë, Shqipëri | Një njësi shërbimi e emërtuar “Amigo”, e gjendur në lagjen “Besëlidhja”, në bllokun e banimit pranë lumit Drin, në zotërimin e z. Ilir Markvukaj, me moshë 47 vjeç, u hodh në erë me lëndë plasëse.
Nga shpërthimi nuk pati të lënduar.
Pati vetëm dëme materiale.
Z. Markvukaj rezulton i arrestuar në vitin 2017 për shkelje penale që lidhen me drogërat (për organizimin e trafikimit të 25 kilogramëve hashash drejt territorit të Republikës së Kosovës).
Ai ka qenë subjekt i Operacionit Forca e Ligjit.
Njoftim | Rreth orës 03:00, të mëngjesit të sotëm, në qytetin e Lezhës, para derës së lokalit të mbyllur, të shtetasit I. M., 47 vjeç, është hedhur lëndë plasëse dhe për pasojë janë shkaktuar dëme materiale.
Grupi hetimor nën drejtimin e Prokurorisë vijon punën për zbardhjen e rrethanave të ngjarjes, identifikimin dhe kapjen e autorit/ve, thuhet në njoftimin e Policisë së Shtetit.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments