___.png)
Londër, Britani e Madhe | Pas zbulimit se mikroplastikët janë në gjendje të bllokojnë rrjedhën e gjakut në trurin e minjve për disa javë, një studim i botuar në revistën Nature Medicine ka gjetur prova të akumulimit të këtyre materialeve edhe në trupin e njeriut.
Mostrat e marra gjatë autopsive të kryera në vitet 2016 dhe 2024 kanë zbuluar praninë e mikroplastikës edhe në përqendrime të larta të mostrave të veshkave edhe në përqendrim të lartë të mostrave në tru.
Hulumtimi, i udhëhequr nga Universiteti Amerikan për Shkenca Shëndetësore në Meksikon e Ri (New Mexico), duket se nxjerr në pah pasojat e pranisë gjithnjë në rritje të plastikës në mjedis, por autorët e koordinuar nga z. Methju Kempen (Matthew Campen) nënvizojnë se nevojiten studime të mëtejshme për të kuptuar implikimet e mundshme për shëndetin e njeriut.
Studiuesit mblodhën mostra të indeve nga truri, mëlçia dhe veshkat e 52 individëve, duke kërkuar për grimca plastike midis një milionta dhe një miliarda e një metri në madhësi.
Analizat ishin pozitive për të gjitha mostrat, por përqendrimet ishin dukshëm më të larta për trurin.
Për më tepër, duke krahasuar të dhënat e marra nga kampionet e vitit 2016 dhe periudhat e mëparshme me ato të mostrave të mëpasshme, u konstatuan sasi më të larta në këto të fundit, shenjë se përqendrimet po rriten me kalimin e kohës.
Më në fund, del se truri i individëve të prekur nga çmenduria shfaq më shumë mikroplastikë se ai i të tjerëve.
Autorët e studimit, megjithatë, bëjnë thirrje për kujdes, duke deklaruar se rezultatet e marra tregojnë një lidhje midis grimcave plastike dhe efekteve shëndetësore, por nuk demonstrojnë një lidhje shkak-pasojë.
Analizat e ardhshme do të duhet të përfshijnë shumë më tepër njerëz nga popullata të ndryshme, për të hedhur dritë mbi problemin.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments