MINISTRI I BRENDSHËM I REPUBLIKËS SË SHQIPËRISË ERVIN HOXHA PARAQITI 12 DREJTORËT E RINJ TË DREJTORIVE VENDORE TË POLICISË SË SHTETIT.

Tiranë, Shqipëri | Ministri i Brendshëm, i Republikës së Shqipërisë, Ervin Hoxha, paraqiti 12 drejtorët e rinj të drejtorive Vendore të Policisë së Shtetit.

“Sot përmbyllet një tjetër fazë bazuar në reformën më të re për emërimin e drejtuesve të policisë në qarqe. Kemi 12 drejtues të rinj të dalë nga ponkursi ku morën pjesë 43 konkurrentë”, tha ministri Hoxha.

“Shkodra duhet të zbardhet plotësisht dhe para drejtësisë duhet të dërgohen autorët. Edhe çdo ngjarje e vogël që nuk bën lajm e bujë duhet të marrë vëmendjen e duhur nga policia.

Duhet të marrin fund praktikat e ndodhura në fshat që qytetarët ngacmohen nga punonjës të papërgjegjshëm për riparimin e një palë shkallësh apo një avllie, policia ka mision tjetër”, tha ministri Hoxha.

Emrat e drejtorëve të drejtorive vendore janë si më poshtë vijon:

Tiranë - Z. Elton Alushi.

Durrës - Z. Vilson Bala.

Elbasan - Z. Fatmir Hoxha.

Shkodër - Z. Fatmir Lleshaj.

Lezhë - Z. Altin Mena.

Kukës - Z. Gentian Berberi.

Dibër - Z. Artion Duka.

Fier - Z. Skënder Hita.

Berat - Z. Luigj Vathi.

Vlorë - Z. Elidon Çela.

Korçë - Z. Erion Ahmeti.

Gjirokastër - Z. Altion Merizaj.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit