MINISTRI ITALIAN I BRENDSHËM MATTEO PIANTEDOSI: NGA QENDRA E RIATDHESIMIT NË GJADËR U KRYE RIATDHESIMI I PARË I NJË QYTETARI TË HUAJ (U DËBUA NË BANGLADESH).

Gjadër, Lezhë, Shqipëri | “Riatdhesimi i parë nga Shqipëria i një shtetasi të huaj të ndaluar në Qendrën e Riatdhesimit në Gjadër.

Operacionet e riatdhesimit të migrantëve të parregullt do të vazhdojnë edhe në ditët në vijim siç parashikohet nga strategjia e Qeverisë për një veprim më efektiv për të luftuar imigracionin e paligjshëm”.

Kështu ka bërë të ditur ministri i Brendshëm Matteo Piantedosi në profilin e tij në rrjetin social virtual Iks (X).

Shtetasi i riatdhesuar është një 42-vjeçar nga Bangladeshi i ardhur në Itali në vitin 2009 dhe është dëbuar për shkak të rrezikut shoqëror.

Ai ka disa dënime të mëparshme, duke përfshirë një episod të rëndë të dhunës në familje.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit