MINISTRJA E SHËNDETËSISË DHE MBROJTJES SOCIALE ALBANA KOÇIU: POLIKLINIKA E SPECIALITETEVE NË SHKODËR SHUMË SHPEJT DO TË HAPË DYERT PËR PACIENTËT.

Shkodër, Shqipëri | Poliklinika e Specialiteteve në Shkodër shumë shpejt do të hapë dyert për pacientët.

Lajmi u bë i ditur nga ministrja e Shëndetësisë dhe Mbrojtjes Sociale, Albana Koçiu, në një postim në rrjetet sociale virtuale, ku ajo ndau pamje nga poliklinika në fjalë.

“Poliklinika e Specialiteteve do të ofrojë shërbime shëndetësore për 200 mijë banorë në 19 specialitete të ndryshme.

Do të vijojë puna për modernizimin dhe transformimin e strukturave spitalore dhe qendrave shëndetësore në të gjithë vendin.

Poliklinika e Specialiteteve në Shkodër do të jetë e pajisur me 19 kabinete për specialitete të ndryshme të sëmundjeve të brendshme si dhe ekzaminime laboratorike e imazherike në: kardiologji, gastrohepatologji, reumatologji, endokrinologji, nefrologji, hematologji, pneumologji, pediatri, kirurgji, ORL, neurologji, onkologji dhe alergologji.

Ky institucion shëndetësor do të pajiset edhe me aparatura të reja mjekësore dhe diagnostikuese”, tha ministrja Koçiu.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit