NASA: KRATER MISTERIOZ NË HËNË I KRIJUAR NGA NJË RAKETË KINEZE.

Arizona, Amerikë | Shkencëtarët nga Universiteti i Arizonës zbuluan se raketa Long March 3C, e lëshuar vitin e kaluar, në muajin mars, nga Agjencia Kombëtare e Hapësirës e Kinës, krijoi një krater misterioz në Hënë.

Megjithatë, siç raportohet nga enti mediatik britanik Posta e Përditëshme (Daily Mail), Kina vitin e kaluar mohoi përgjegjësinë.

Shkencëtarët arritën në këtë përfundim teksa analizuan reflektimet e dritës nga objekti misterioz i regjistruar nga një teleskop përpara goditjes.

Teleskopët që përdorën shkencëtarët nuk kishin një rezolucion mjaft të lartë, në mënyrë që të regjistronin qartë detajet, por, kapnin shenjat e dritës, që reflektohej ndërsa ishte në lëvizje.

NASA ka vërejtur shtesën e re në sipërfaqen hënore, në fotot e marra nga Lunar Reconnaissance Orbiter (LRO), një anije kozmike robotike, që rrotullohet rreth hënës, e nisur në muajin qershor të vitit 2022.

Gjetjet e reja u publikuan të enjten në The Planetary Science Journal.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit