NASA PRODHOI OKSIGJEN NË PLANETIN MARS | RRITEN MUNDËSITË PËR KOLONIZIMIN E PLANETIT MARS.

Uashington, Amerikë | Roveri Perseverance i NASA-s, i vendosur në Mars, që nga viti 2021, ka përdorur MOXIE (Eksperimenti i Përdorimit të Burimeve të Oksigjenit në Mars), për të gjeneruar oksigjen nga atmosfera e planetit, një hap vendimtar drejt kolonizimit të mundshëm. Pavarësisht se prodhon vetëm 122 gram oksigjen, ekuivalente me atë që kërkon një qen i vogël për 10 orë, është një arritje e jashtëzakonshme, duke pasur parasysh vendndodhjen e largët. MOXIE i tejkaloi pritshmëritë, duke prodhuar dy herë më shumë oksigjen në orë nga sa ishte parashikuar, dhe duke funksionuar në mënyrë efektive, gjatë gjithë vitit marsian. Ky oksigjen mund të mbështesë astronautët dhe raketat me karburant, duke reduktuar nevojën për shtytës me burim nga Toka. MOXIE 2.0 synon të lëngëzojë oksigjenin e prodhuar për ruajtje. Nga z. Erton Duka. © Copyright | Agjencia Telegrafike Vox