NEGOCIATORI RUS GRIGORI (GRIGORY) KARASIN KRYETAR I KOMISIONIT TË PUNËVE TË JASHTME TË SENATIT: DO TË VAZHDOJMË BISEDIMET ME SHBA-ës PËR UKRAINËN; BISDEIMET ISHIN TË DOBISHME; FOLËM PËR GJITHÇKA.

Moskë, Federata Ruse | Një negociator rus i quajti të dobishme bisedimet midis zyrtarëve rusë dhe amerikanë për një armëpushim të pjesshëm të mundshëm në Ukrainë, duke shtuar se kontaktet do të vazhdojnë.

“Ne folëm për gjithçka, ishte një dialog intensiv, jo i lehtë, por shumë i dobishëm për ne dhe për amerikanët”, tha për agjencinë e lajmeve “Tass”, Grigori (Grigory) Karasin, kryetar i Komisionit të Punëve të Jashtme të Senatit.

“Ne do të vazhdojmë - shtoi ai, një ditë pas 12 orësh bisedimesh midis delegacioneve në Arabinë Saudite. Ne do të vazhdojmë ta bëjmë këtë, duke përfshirë komunitetin ndërkombëtar, para së gjithash Kombet e Bashkuara dhe disa vende”, tha z. Karasin, duke iu referuar dialogut midis ShBA-ës dhe Rusisë.

“Në përgjithësi, kishte një përshtypje të një dialogu të tillë konstruktiv që është i duhur dhe i nevojshëm. Amerikanët janë gjithashtu të interesuar për këtë”, shtoi z. Karasin.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit