___.png)
Bolonjë, Itali | Prekja është thelbësore për marrëdhëniet midis njerëzve dhe mjedisit të tyre. Kjo vlen edhe për robotët dhe krijuesit e tyre. Një projekt evropian i udhëhequr nga Universiteti i Bolonjës po u mëson makinave të bëjnë dallimin midis asaj që prekin, në mënyrë që të aplikojnë shkallën e duhur të forcës. Shumë vite më parë, antropologia e famshme Eshli Montag (Ashley Montagu) shkroi se “komunikimi që ne transmetojmë përmes prekjes është mjeti më i fuqishëm për të vendosur marrëdhënie njerëzore”. Megjithatë ja ku janë, në fillim të majit 2023: një grup studiuesish në Universitetin e Bolonjës që përpiqen të japin ndjenjën e prekjes në një makinë. Për ta bërë këtë, ata po përdorin dy teknologji për të pajisur një dorë robotike me dy lloje të ndryshme ndjeshmërish. E para, e cila është pak më e trashë, do të mbulojë pjesën më të madhe të sipërfaqes së pëllëmbës, dhe e dyta do të japë informacion shumë më të pasur dhe më të plotë për qëndrueshmërinë, vrazhdësinë ose butësinë e objekteve. Kjo e fundit transmetohet nga majat e gishtave, dhe aparati do të vendoset pikërisht në këtë zonë. Ky projekt, i formuar nga një konsorcium prej 13 universitetesh, kompanish dhe qendrash kërkimore nga gjashtë vende evropiane, ka për objektiv zhvillimin e një sistemi të ri manipulimi, të drejtuar nga inteligjenca artificiale, që mundëson robotët (qofshin ato proteza si dora e treguar më sipër ose makina të pavarura), për të mësuar si nga rrethina, ashtu edhe nga ndërveprimi i tyre me njerëzit. Komisioni Evropian, ka zgjedhur projektin midis 42 iniciativave më të mira të inteligjencës artificiale, dhe robotikës të nisura si pjesë e programit “Horizon Europe”, plani kryesor i kërkimit dhe inovacionit të kontinentit. Ata janë përzgjedhur për potencialin e tyre për të “përmirësuar shoqërinë në të cilën jetojmë, duke adresuar sfidat përkatëse teknologjike”. Midis atyre të zgjedhura janë propozime që variojnë nga një qendër e madhe që do të përpiqet të sigurojë siguri në kërkimin e inteligjencës artificiale, deri te idetë për rikuperimin e ujit, riciklimin ose zhvillimin e dronëve, për të mbështetur punëtorët në terren, dhe punonjësit e mirëmbajtjes së infrastrukturës në vende të rrezikshme. Studiuesit punojnë në një hapësirë të mbushur me kompjuterë dhe prototipe moderne të makinerive moderne, por ka edhe kabllo të shumta, karton, disa rrotulla shiriti izolues dhe një kabinet të madh metalik, nga i cili inxhinierët nxjerrin të gjitha llojet e mjeteve të mëdha, të mesme dhe të vogla. Krahas kësaj bote të teknologjisë ultra-moderne, të bardhë dhe aseptike, të formave harmonike dhe të rrumbullakosura që kryesojnë imagjinatën tonë kolektive, ky laborator shërben si një kujtesë se përparimi - të paktën një pjesë e tij - ndodh ende në vende të stërmbushura me priza dhe kënde shtrënguese, me objekte që duhet të montohen dhe të testohen vazhdimisht për të kuptuar se si t'i bëjnë ato të funksionojnë. Këto janë vende ku studentët, studentët e doktoraturës, studiuesit e rinj dhe studiuesit me përvojë bashkohen, duke punuar në projekte të njëkohshme që konvergojnë dhe ndonjëherë mbivendosen.
Comments