NJË EKSPOZITË U HAP NË PARIS MBI THESARET E SHPËTUARA TË GAZËS; ANTIKA 4000 VJEÇARE | LUFTA PRISHI PALLATIN E PASHAIT (QASR AL-BASHA).

Një ekspozitë në Paris mbi thesaret e shpëtuara të Gazës.

Paris, Francë | Duke i kthyer Gazës të gjithë historinë e saj: Institut du Monde Arabe (IMA) në Paris zbulon kryeveprat arkeologjike që dëshmojnë të kaluarën e lavdishme të qytetit palestinez, një udhëkryq i lashtë tregtar midis Azisë dhe Afrikës, trashëgimia e të cilit u përmbys nga lufta midis Hamasit dhe Izraelit.

Asgjë nuk është më e keqe se braktisja dhe harresa. Kjo ekspozitë, të cilën unë do ta quaja një ekspozitë të shëndetit publik, i bën homazh Gazës, gjallë dhe mrekullisht të rinjve”, tha z. Xhek Leng (Jack Lang), president i Institutit të Botës Arabe në Paris dhe ish-ministër i Kulturës nën qeverinë e z. Fronsua Miteran (Francois Mitterrand), në një deklaratë.

Një tas 4000-vjeçar, një mozaik i shekullit të 5-të që dekoron një kishë bizantine, një statujë e Afërditës me frymëzim helenistik, janë vetëm disa nga 130 kryeveprat në ekspozitën “Trésors sauvés de Gaza, 5000 ans d'histoire of the Gaza”, deri më 2 nëntor 2025.

Qëllimi është të zbulohet kjo trashëgimi e panjohur për publikun e gjerë dhe të rritet ndërgjegjësimi për shkatërrimin e shkaktuar nga konflikti që shpërtheu pas sulmit terrorist të Hamasit ndaj Izraelit më 7 tetor 2023.

Për momentin, një inventar i saktë i dëmeve është i pamundur, por UNESCO, bazuar në studimin e imazheve satelitore, ka konstatuar dëmtime në 94 zona të mbrojtura në Rrip, duke përfshirë edhe Pallatin e Pashait (Qasr al-Basha), i ndërtuar në shekullin e 12-të.

Një hapësirë ​​në IMA i kushtohet hartografisë së bombardimeve, me një studim të kryer nga disa grupe studiuesish dhe shoqëruar me regjistrimin e zbulimeve të fundit arkeologjike në Gaza.

Por edhe fotografi të pabotuara të qytetit në fillim të shekullit të 19-të nga koleksionet e École biblique et archéologique française de Jérusalem.

Ekspozita ofron një reflektim mbi çështjet që lidhen me trashëgiminë në kohë lufte, veçanërisht në Gaza, ku mbi dy të tretat e ndërtesave janë shkatërruar.

Sulmi terrorist i Hamasit la 1218 izraelitë të vdekur.

Operacionet hakmarrëse ushtarake të nisura nga Izraeli kanë vrarë më shumë se 50000 palestinezë.

“Prioriteti është padyshim qeniet njerëzore, jo trashëgimia”, shpjegon kuratorja e ekspozitës, Elodie Bouffard, cituar nga Agence France Presse.

“Por ne gjithashtu donim të tregonim se Gaza, për mijëvjeçarë, ishte pika e mbërritjes së rrugës së karvanit, një port që prodhonte para dhe që u zhvillua sepse ndodhej në një pikë takimi midis ujit dhe rërës”, shtoi ajo.

Ekspozita po organizohet në bashkëpunim me Ministrinë Palestineze të Antikiteteve dhe Turizmit dhe Muzeun e Artit dhe Historisë në Gjenevë, Zvicër, i cili, që nga viti 2007 ka qenë muzeu i strehimit për një koleksion arkeologjik prej rreth 529 veprash që i përkasin Autoritetit Kombëtar Palestinez në mërgim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit