NJË LETËR E SHKRUAR NGA NJË PREJ TË MBIJETUARVE MË TË NJOHUR TË TITANIKUT NGA BORDI I ANIJES DISA DITË PARA SE TË MBYTEJ U SHIT NË ANKAND PËR 399000 $.

Uashington, Amerikë | Një letër e shkruar nga një prej të mbijetuarve më të njohur të Titanikut nga bordi i anijes, ditë para se të mbytej, u shit në ankand për 300000 paund (399000 $).

Në shënimin, pasagjeri i klasit të parë Arçiballd Greisi (Archibald Gracie) shkroi: “Është një anije e mirë, por unë do të pres fundin e udhëtimeve të mia përpara se të gjykoj për të”, raporton agjencia e lajmeve “AP”.

Letra iu shit një koleksionisti privat nga Shtetet e Bashkuara të shtunën, sipas shtëpisë së ankandit Henry Aldridge & Son në Uilltshaiër (Wiltshire), në Angli. Çmimi e tejkaloi shumë fillestar të parashikuar prej 60000 paundsh.

Letra nga z. Greisi (Gracie) besohet të jetë shembulli i vetëm nga bordi i Titanikut, i cili, u fundos në Njufaundllend (Newfoundland) pasi goditi një ajsberg, duke vrarë rreth 1500 njerëz në udhëtimin e tij të parë.

Z. Endrju Elldrixh (Andrew Aldridge) e përshkroi atë si një pjesë të jashtëzakonshme të klasës muzeale.

Z. Greisi (Gracie), i cili u hodh nga anija dhe arriti të hipte në një varkë të përmbysur, u shpëtua nga pasagjerë të tjerë në një varkë shpëtimi dhe u dërgua në RMS Carpathia (anije me avull).

Ai vazhdoi të shkruante “E vërteta për Titanikun”, një rrëfim i përvojave të tij, kur u kthye në qytetin e Jorkut të Ri.

Ai hipi në Titaniku në Sauthempton (Southampton) më 10 prill të vitit 1912 dhe iu caktua kabina e klasit të parë C51.

“Libri i tij shihet si një nga rrëfimet më të detajuara të ngjarjeve të natës kur anija u mbyt”, tha z. Ellxhrid (Aldridge).

Z. Greisi (Gracie) nuk u shërua plotësisht nga hipotermia dhe vdiq nga ndërlikimet nga diabeti në fund të vitit 1912.

Letra kishte vulën e postës në Kuinstaun (Queenstown), Irlandë, një nga dy ndalesat që Titaniku bëri para fundosjes.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit