NJË TUBIM QYTETAR U MBAJT PARA SHKOLLËS “FAN NOLI” NË TIRANË PËR VRASJEN E MITURAKUT MARTIN CANI DHE VDEKJEN NË SPITAL TË MITURAKUT LEO SADIKU.

Tiranë, Shqipëri | Një tubim qytetar u mbajt para shkollës “Fan Noli” në Tiranë, për vrasjen e miturakut Martin Cani dhe vdekjen në spital të miturakut tjetër, Leo Sadikut.

Në lidhje me vrasjen e miturakut Cani, familjarët dhe të afërmit e tij pretendojnë se nuk ka ende drejtësi penale dhe civile.

Qytetarët vendosën lule pranë shkollës ku mësonte i mituri Cani.

Pas tubimit para shkollës “Fan Noli” tubuesit iu bashkuan tubimit qytetar para Ministrisë së Shëndetësisë për vdekjen e miturakt tjetër, Leo Sadikut.

Në një ligjëratë të mbajtur nga motra e miturakut Leo Sadiku u tha se mjekësia shqiptare sot është në gjendje të degraduar.

Ajo shtoi se vëllanë ia vranë mjekët.

Ajo bëri me dije se nuk do të ndalet derisa të gjejë drejtësi për vëllanë e saj.

“Vëllai im ndërroi jetë, teksa disa mjekë nuk dinin të bënin punën. Mjekësia shqiptare më vrau vëllanë. Ata pa pikë mëshire vendosën ta vrisnin.

QSUT nuk i bëri asnjë ekzaminim, ata dalin me pretendime të rreme. Ata nuk i kanë bërë një eko zemre, një skaner, një matje tensioni, si i bëjnë ato betime ata.

Dhe sa fëmijë të tjerë do vriten si vëllai im? Prokuroria hesht dhe prindërit e mi vetëm qajnë”, denoncoi ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit