___.png)
Karakas, Venezualë | “Sulmet e drejtpërdrejta kundër gazetarëve dhe mediave në Venezuelë u rritën në vitin 2024 me një rritje të mprehtë të numrit të sulmeve të regjistruara”, denoncon në Raportin Vjetor 2024 Instituti i Shtypit dhe Shoqërisë, IPIS, një shoqatë e themeluar në Peru, pas vetë-puçit të presidentit të atëhershëm Alberto Fujimori, për të mbrojtur lirinë e shprehjes në Amerikën Latine.
Midis muajve janar dhe dhjetor të vitit 2024, Ipys dokumentoi 383 raste shkeljesh në Venezuelë, duke denoncuar persekutimin e shtypit si një politikë shtetërore.
Sulmet ndaj shtypit u rritën me 64% krahasuar me vitin 2023, ku 14 gazetarë u arrestuan arbitrarisht, 27 të tjerë u larguan jashtë vendit dhe dy të tjerë u zhdukën.
Raporti gjithashtu dokumenton 151 sulme fizike ose verbale, 96 sulme për ide të shprehura, 86 kufizime në aksesin në internet dhe 42 masa të drejtpërdrejta censurimi.
“Armiqësia kundër shtypit është intensifikuar në mënyrë dramatike që nga zgjedhjet presidenciale të 28 korrikut (2024)”, thekson raporti, duke vënë në dukje se sulmet kanë goditur që atëherë 110 media, 13 organizata të shoqërisë civile, një sindikatë dhe nëntë faqe interneti me interes publik.
“Kriminalizimi i punës së informacionit dhe përdorimi i ligjit penal për të frikësuar, përndjekur dhe heshtur shtypin e pavarur në Venezuelë kanë arritur nivele të paprecedentë”, përfundon raporti, duke vënë në dukje se burgu dhe internimi janë vetëm dy nga pasojat më të dukshme të rritjes së shtypjes (represionit) në vitin 2024.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments