“OPEN AI” MUND TË MBYLLË CHATGPT NË EUROPË.

Bruksel, Belgjikë | Nëse rregullorja e BE-së i përcakton sistemet e Inteligjencës Artificiale si “rrezik të lartë”, ChatGPT mund të mbyllet në Europë. Kështu u shpreh nga Sem Olltmen (Sam Altman), CEO i OpenAI, kompania që zhvillon chatbot në periferi të një ngjarjeje publike në Londër. “Detajet kanë vërtet rëndësi - vuri në dukje z. Oltmen (Altman) për gazetë ‘Financial Times’. Ne do të përpiqemi të respektojmë rregullat, por nëse dështojmë, do të duhet të ndërpresim operacionet.” Shqetësimi kryesor është se sisteme të tilla si ato të krijuara nga OpenAI konsiderohen me rrezik të lartë nga Akti i BE-së për Inteligjencën Artificiale, dokument që aktualisht po shqyrtohet nga Brukseli. Vetë z. Olltmen (Altman), pak ditë më parë, i audituar nga Kongresi Amerikan, tha se ishte i gatshëm të bashkëpunonte drejtpërdrejt me qeverinë amerikane për të krijuar një sërë rregullash. Siç raportohet nga faqja e specializuar “The Verge”, një dispozitë e draftit të Brukselit kërkon që çdo organizatë që zhvillon projekte të inteligjencës artificiale të raportojë fuqinë kompjuterike të nevojshme për të operuar platformën, kohën e trajnimit të algoritmeve dhe të dhëna të veçanta se si ka trajnuar modelet e saj, duke zbuluar gjithashtu informacione të mbrojtura potencialisht nga sekreti i kompanisë. Në mars, bashkëthemeluesi i Open AI, Ilia Satskevër (Ilya Sutskever), i kishte besuar të njëjtës gazetë nevojën për të bërë private disa informacione, si metodat e trajnimit dhe burimet e të dhënave, për të parandaluar kopjimin e punës nga rivalët. Në Itali pak javë më parë Garantuesi i Privatësisë bëri disa vëzhgime në platformën e pezulluar, për t'u kthyer më pas online pasi kishte përmbushur kërkesat e Autoritetit. Ndërkohë, përdorimi dhe aplikimet e ChatGpt janë vërtet të përhapura. Vetëm në orët e fundit chatbot ka funksionuar dhe ka filluar në mbarë botën, sipas OpenAi për shkak të kërkesave të larta për shërbimin.