OPENAI PO SHTYN KOMPANINË GOOGLE DUKE HAPUR KËRKIMIN E INTELIGJENCËS ARTIFICIALE PËR TË GJITHË.

Uashington, Amerikë | OpenAI po shtyn Google dhe po hap kërkimin me inteligjencë artificiale për të gjithë, një mjet i lëshuar në muajin tetor dhe deri më tani i disponueshëm vetëm për përdoruesit me pagesë.

Konkurrenti i ri i Google dhe Microsoft quhet, siç dihet, SearchGpt dhe është zhvilluar nga kompania e z. Sem Olltmen (Sam Altman) dhe është prezantuar në tetor.

Me hapjen globale, ai bëhet i disponueshëm falas për të gjithë; thjesht hyni në faqen e internetit ose aplikacionet ChatGpt për të zgjedhur butonin “kërko” në fund dhe për të aktivizuar motorin në internet.

Chatbot mund të kërkojë në internet për të marrë informacione të përditësuara dhe për t'iu përgjigjur pyetjeve më të gjera.

Në vend të lidhjeve klasike të kthyera nga motorët tradicionalë të kërkimit, SearchGpt u përgjigjet pyetjeve të parashtruara me një tekst në mënyrë bisedore, një lloj përmbledhjeje së cilës i bashkangjit burimet nga të cilat ka marrë rezultatet.

“Ne po e bëjmë përvojën ChatGpt më të lehtë për t'u kuptuar falë informacionit të përditësuar nga ueb”, thotë z. Edm Frei (Adam Fry), menaxher i Kërkimit ChatGpt: ne e shpërndajmë atë në qindra miliona përdorues, tha ai.

OpenAI njoftoi gjithashtu se përdoruesit do të jenë në gjendje të përdorin funksionin e Avancuar të Zërit me kërkimin.

“Kjo veçori do të jetë e disponueshme globalisht për përdoruesit falas. Shpërndarja pritet gjatë javës së ardhshme”, thotë kompania.

Risia SearchGpt është pjesë e një lloj kalendari të ardhjes OpenAI, i cili, përbëhet nga 12 ditë njoftimesh dhe prezantimesh.

Ndër më kryesorët, të ndodhur ditët e fundit, ishte hapja e Sorës, platformës që mund të gjenerojë filma 5 ose 20 sekondash nga indikacionet tekstuale me inteligjencë artificiale.

Megjithatë, për momentin, ky mjet nuk është aktiv në vendet e BE-së, për shkak të rregulloreve për përdorimin e të dhënave të përdoruesve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit