ORËT E ZGJATURA PARA TELEVIZORIT I BËJNË FËMIJËT TË DHUNSHËM DHE JO TË SHOQËRUESHËM.

Uashington, Itali | Shikimi i tepërt i televizorit i bën fëmijët dhe adoleshentët antisocialë dhe të dhunshëm (agresivë).

Kjo mbështetet nga një studim i botuar në revistën shkencore “Pediatrics”.

Studiuesit nga Universiteti i Otagos në Zelandën e Re ndoqën 1000 fëmijë të lindur në vitet 1972 dhe 1973 nga mosha 5 deri në 15 vjeç.

Çdo dy vjet ata u pyetën se sa televizor shikonin gjatë ditës. Doli se tendenca për sjellje antisociale dhe agresive është më e madhe se 30% tek ata që kanë kaluar më shumë orë para televizorit në përgjithësi.

Prandaj studimi argumenton se fëmijët agresivë do të jenë të rritur me një tendencë më të madhe për të zhvilluar emocione negative dhe agresion.

Ka shumë studime mbi efektin negativ të aparatit televiziv tek fëmijët dhe adoleshentët, kështu që kjo nuk është asgjë e re.

Por për herë të parë marrëdhënia me televizionin u vëzhgua gjatë gjithë periudhës së fëmijërisë dhe më pas adoleshencës, duke qenë kështu në gjendje të kuptonte të gjitha ndryshimet në sjellje.

“Studimi tregon se fëmija nuk është në gjendje të zgjedhë dhe vlerësojë informacionin që i ofrohet përmes televizorit me imazhet dhe mendimet e tij”, tha znj. Maria Malucelli, specialiste në psikoterapinë njohëse dhe autore e eseve të shumta.

Kujdes ndaj sasisë dhe cilësisë: Prandaj, sasia e orëve të kaluara para televizorit është e rëndësishme.

“Nga 5 deri në 10 vjeç jo më shumë se dy orë në ditë, nga të cilat të paktën një në shoqërinë e një të rrituri që e ndihmon atë të zgjedhë përmes një kodi psiko-moral atë që sheh”, thuhet në qarqet e specialistëve mjekësorë.

Nëse fëmijët janë të dhunshëm (agresivë), sidoqoftë, është faji edhe i cilësisë së programeve, sepse fëmijët, si adoleshentët, kanë një nevojë të natyrshme për t’u identifikuar me personazhet që shikojnë në TV dhe që i tërheqin më shumë.

Përveç personazheve dhe tregimeve, ne duhet t’i kushtojmë vëmendje edhe ngjyrave.

“Hijet, veçanërisht ato orientale, duke filluar nga gri në të zezë në të kuqe të errët, errësojnë aftësitë emocionale”, thuhet prej tyre.

Ato stimulojnë fëmijën në nevojën për ligësi dhe agresion. Drita jeshile favorizon pushimin dhe qetësinë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit