PAPA FRANÇESKU: KISHA E ROMËS TË OFROJË PRONA PËR ATA QË NUK KANË SHTËPI.

Vatikan | “Në funksion të Jubileut, i kërkova Dioqezës sime që t'i kushtojë një shenjë të prekshme vëmendjes për problemet e strehimit, në mënyrë që krahas mirëseardhjes që u bëhet të gjithë pelegrinëve që vijnë, të aktivizohen edhe format e mbrojtjes për ata që nuk kanë shtëpi ose që rrezikojnë ta humbasin.

Në këtë këndvështrim, uroj që të gjitha subjektet dioqezane që zotërojnë prona të ofrojnë kontributin e tyre për të frenuar urgjencën e strehimit me shenja bamirësie dhe solidariteti për të gjeneruar shpresë tek mijëra njerëz në qytetin e Romës që gjenden në një situatë të pasigurt strehimi”, deklaroi Papa Françesku në një letër për jubileun drejtuar famullitarëve, fetarëve dhe klerikëve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit