PAPA FRANÇESKU: LYPET NJË ARMËPUSHIM OLIMPIK GJATË LOJËRAVE TË PARISIT: LOJËRAT OLIMPIKE SJELLIN PAQE DHE JO LUFTË.

Vatikan | “Lojërat Olimpike për nga natyra e tyre janë bartëse të paqes dhe jo të luftës.

Është në këtë frymë që Antikiteti vendosi me mençuri një armëpushim gjatë Lojërave dhe që epoka moderne përpiqet rregullisht të rifillojë këtë traditë të lumtur.

Në këtë periudhë të trazuar në të cilën paqja botërore kërcënohet seriozisht, unë sinqerisht shpresoj që të gjithë të jenë të etur për të respektuar këtë armëpushim me shpresën e zgjidhjes së konflikteve dhe kthimit në harmoni”, thuhet nga Papa Françesku, në mesazhin dërguar Kryepeshkopit të Parisit, Imzot Laurent Ulrich, për Lojërat Olimpike që do të zhvillohen në kryeqytetin francez nga 26 korriku deri më 11 gusht.

“Zoti na mëshiroftë! I ndriçoftë ndërgjegjet e atyre që kanë pushtet mbi përgjegjësitë e rënda që rëndojnë mbi ta, u dhuroftë paqebërësve sukses në përpjekjet e tyre dhe i bekoftë ata”, tha Papa Françesku në mesazh.

“Shpresoj që organizimi i këtyre Lojërave të jetë për gjithë popullit francez një mundësi e madhe për harmoni vëllazërore që lejon, përtej dallimeve dhe konflikteve, të forcojë unitetin e Kombit”, tha ai më tej.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit