PAPA FRANÇESKU NË INDONEZI KUNDËR EKSTREMIZMIT DHE INTOLERANCËS: NË BOTË BESIMI MANIPULOHET PËR TË NXITUR URREJTJE DHE NDARJE.

Xhakartë, Indonezi | “Për të promovuar harmoninë paqësore dhe konstruktive, e cila siguron paqen dhe bashkon forcat për të mposhtur çekuilibrat dhe xhepat e varfërisë, të cilat vazhdojnë ende në disa zona të vendit, Kisha Katolike dëshiron të rrisë dialogun ndërfetar”, tha Papa Françesku në fjalimin e tij drejtuar autoriteteve dhe shoqërisë civile të Indonezisë.

“Në këtë mënyrë do të jetë e mundur të eliminohen paragjykimet dhe të nxitet një klimë e respektit dhe besimit të ndërsjellë, e cila është thelbësore për të përballuar sfidat e përbashkëta, duke përfshirë atë të luftimit të ekstremizmit dhe intolerancës, të cilat - duke shtrembëruar fenë - përpiqen të imponohen duke përdorur mashtrime dhe dhunë”, tha Papa Françesku.

“Në botë ka raste në të cilat besimi në Zot - denoncoi Papa Françesku - vihet vazhdimisht në plan të parë, por shpesh për fat të keq për t'u manipuluar dhe për të mos shërbyer për të ndërtuar paqen, bashkimin, dialogun, respektin, bashkëpunimin, vëllazërinë, por për të nxitur përçarje dhe për të rritur urrejtjen”.

“Megjithatë, në kontekste të tjera - shtoi ai - besohet se ne mund ose duhet të injorojmë kërkimin e bekimit të Zotit, duke e gjykuar atë të tepërt për qenien njerëzore dhe për shoqërinë civile, të cilat duhet të promovohen me përpjekjet e tyre, por që duke e bërë këtë, ata shpesh hasin zhgënjim dhe dështim”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit