PAPA FRANÇESKU: SHPRESA E BOTËS QËNDRON NË VËLLAZËRI | ROMA ËSHTË THIRRUR TË MIRËPRESË TË GJITHË NË MËNYRË QË TË GJITHË TA NJOHIN VETEN SI FËMIJË TË ZOTIT DHE VËLLEZËR MES TYRE.

Vatikan | “Motoja e jubileut, e emërtuar ‘Pelegrinët e shpresës’, është e pasur në kuptim, në varësi të këndvështrimeve të ndryshme të mundshme, të cilat, janë si shumë shtigje pelegrinazhi.

Dhe një nga këto rrugë të mëdha shprese në të cilën mund të ecësh është vëllazëria; është rruga që propozova në Enciklikën Fratelli Tutti. Po, shpresa e botës qëndron edhe te vëllazëria”, tha Papa Françesku, gjatë Mbrëmësores së Parë në Bazilikën e Shën Pjetrit, pasuar nga “Te Deum” tradicionale në fund të vitit.

“Dhe është bukur të mendosh se muajt e fundit qyteti ynë është bërë një kantier ndërtimi për këtë qëllim, me këtë kuptim të përgjithshëm - nënvizoi Papa Françesku në predikimin e tij.

Përgatitje për të pritur burra dhe gra nga e gjithë bota, katolikë dhe të krishterë të rrëfimet e tjera, besimtarë të çdo feje, kërkues të së vërtetës, lirisë, drejtësisë dhe paqes, të gjithë pelegrinët e shpresës dhe vëllazërisë”.

Sipas Papa Françeskut shpresa e një bote vëllazërore nuk është një ideologji, nuk është një sistem ekonomik, nuk është përparim teknologjik.

“Shpresa e një bote vëllazërore është Ai, Biri i mishëruar, i dërguar nga Ati që ne të gjithë mund të bëhen ata që jemi, domethënë fëmijë të Atit që është në qiej, dhe si rrjedhim vëllezër e motra mes nesh.

Dhe kështu - shtoi ai - ndërsa ne i admirojmë me mirënjohje rezultatet e punës së kryer në qytet - falënderojmë punën e shumë burrave dhe grave që e kanë bërë atë, falënderojmë kryetarin e bashkisë për këtë punë për ta çuar qytetin përpara - bëhemi të vetëdijshëm se cili është kantieri vendimtar, kantieri që përfshin secilin prej nesh; është ai në të cilin, çdo ditë, do ta lejoj Zotin të ndryshojë tek unë atë që nuk është e denjë për një fëmijë, atë që nuk është njerëzore, dhe në të cilën do të angazhohem, çdo ditë, të jetoj si vëlla e motër me fqinjin tim”.

“Na ndihmoftë Nëna jonë e Shenjtë që të ecim së bashku, si shtegtarë të shpresës, në rrugën e vëllazërisë”, përfundoi Papa Françesku.

“Viti që mbyllet ishte një vit shumë i ngarkuar për qytetin e Romës. Qytetarët, pelegrinët, turistët dhe të gjithë ata që po kalonin përjetuan fazën tipike që i paraprin një jubileu, me shumëzimin e kantiereve të mëdha e të vogla.

Këtë mbrëmje është momenti për një reflektim të mençur, për të konsideruar se e gjithë kjo vepër, përveç vlerës që ka në vetvete, ka pasur një kuptim që i përgjigjet thirrjes së vetë Romës, vokacionit të saj universal”, tha Papa Françesku.

Sipas Papa Françeskut ky vokacion i qytetit të Romës mund të shprehet kështu: “Roma është thirrur të mirëpresë të gjithë në mënyrë që të gjithë ta njohin veten si fëmijë të Zotit dhe vëllezër mes tyre.

Prandaj në këtë moment duam të ngremë falënderimin tonë ndaj Zotit sepse ai na ka lejuar të punojmë, të punojmë shumë dhe mbi të gjitha sepse na ka lejuar ta bëjmë me këtë sens të madh, me këtë horizont të gjerë që është shpresa e vëllazërisë”, tha Papa Françesku.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit