___.png)
PAPA: NDALONI ERËRAT E LUFTËS NË EUROPË DHE NË MESDHE.
- Agjencia Telegrafike Vox
- Mar 31, 2024
- 2 min read
Vatikan | “Të mos lejojmë që armiqësitë e vazhdueshme të vazhdojnë të kenë pasoja serioze mbi popullatën civile, tashmë të rraskapitur, dhe mbi të gjitha mbi fëmijët.
Sa vuajtje shohim në sytë e fëmijëve?
Fëmijët në ato vende luftarake harruan të buzëqeshnin. Me vështrimin e tyre na pyesin: pse?
Pse kaq shumë vdekje?
Pse kaq shumë shkatërrim?
Lufta është gjithmonë një absurditet dhe një disfatë!
Le të mos lejojmë që erërat më të forta të luftës të fryjnë mbi Evropë dhe Mesdhe.
Mos u dorëzoni në logjikën e armëve dhe riarmatimit. Paqja nuk ndërtohet kurrë me armë, por duke zgjatur duart dhe duke hapur zemrat”, deklaroi Papa Françesku në Mesazhin e Pashkëve “Urbi et Orbi”.
“Ndërsa bëj thirrje për respektimin e parimeve të së drejtës ndërkombëtare, shpresoj - tha Papa - një shkëmbim i përgjithshëm i të gjithë të burgosurve midis Rusisë dhe Ukrainës: të gjithë për të gjithë!
T'i garantohet Gazës, duke kërkuar edhe një herë lirimin e shpejtë të pengjeve të rrëmbyer më 7 tetor 2023 dhe një armëpushim të menjëhershëm në Rrip.”
Papa Françesku kryesoi meshën e së dielës së Pashkëve në oborrin e kishës së Vatikanit.
Në fund të festës, Papa Françesku hipi në një “makinë papnore” (popemobile) të hapur dhe u shëtit nëpër sektorë të ndryshëm të sheshit të Shën Pjetrit për të përshëndetur dhe bekuar dhjetëra mijëra pelegrinët e pranishëm, të cilët e brohoritën me zë të lartë.
Papa ka shkelur edhe nga territori i Vatikanit për pak kohë, duke kaluar Sheshin Piu XII (Piazza Pio XII) dhe pjesën e parë të Rrugës së Pajtimit (Via della Conciliazione), për të përshëndetur edhe besimtarët që e prisnin përtej barrierave.
Pas heqjes dorë në momentin e fundit për të marrë pjesë në Rrugën Krukis (Via Crucis) në Koloseum (Colosseum).
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
