PAS MBRETËRISË SË SUEDISË LIJA E MAJMUNËVE GODITI EDHE MBRETËRINË E SPANJËS NË TË CILËN U SHFAQ RASTI I PARË.

Madrid, Mbretëria e Spanjës | Lija e majmunëve mbërriti edhe në Mbretërinë e Spanjës (pas rastit të parë të raportuar në Suedi).

Ky është një nënlloj i virusit ndryshe nga ai për të cilin Organizata Botërore e Shëndetësisë (OBSH) ka shpallur alarmin, tashmë i njohur në Evropë dhe më pak agresiv.

Rasti i parë i lisë së majmunëve në Spanjë, ose Mpox, u diagnostikua nga autoritetet shëndetësore të Kantabrias (Cantabria), në veri të vendit, tek një i ri me lezione të përputhshme me ato të shkaktuara nga Mpox.

Pacienti aktualisht ndodhet në spital në gjendje të mirë shëndetësore dhe mbajtur në izolim.

Ndërsa rasti i diagnostikuar në Suedi ishte shkaktuar nga nëntipi Clade I i virusit, siç ishte ai i zbuluar në Pakistan, rasti spanjoll lidhet me nëntipin me origjinë nga Afrika Perëndimore, ose Clade II, shumë më pak agresiv se i pari dhe qarkullues në Evropë nga viti 2022.

Nëntipi Clade I i Mpxv, siç quhet virusi përgjegjës për linë e majmunëve, nuk ishte larguar kurrë nga Afrika, ku e kishte origjinën në pellgun e Kongos.

Nëntipi Clade II, endemik në Afrikën Perëndimore, është shumë më pak agresiv, me një shkallë vdekshmërie prej më pak se 1%.

Për shkak të këtyre karakteristikave, Clade II është nëntipi më i përhapur dhe prej kohësh ka arritur të përhapet jashtë Afrikës.

Ndërkohë, në Meksikë deri më 10 gusht janë regjistruar 53 raste të lisë së majmunit, nga të cilat 51 ishin te pacientët meshkuj, sipas raportit të fundit të Sistemit Kombëtar të Mbikëqyrjes Epidemiologjike (Conave) të Ministrisë së Shëndetësisë.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit