PLATFORMAT E MEDIAVE SOCIALE DO TË DUHET TË MARRIN NJË LICENCË PËR TË OPERUAR NË MALAJZI | VENDIMI SYNON TË LUFTOJË KRIMIN KIBERNETIK + MASHTRIMIN + PEDOPORNOGRAFINË + BASTET ONLINE.

Kuala Lampur, Malajzi | Tetë platformat më të njohura të mediave sociale në botë - WhatsApp, Facebook, Instagram, X, YouTube, Telegram, WeChat dhe TikTok - do të duhet të marrin një licencë për të operuar në Malajzi vitin e ardhshëm.

Këtë e ka bërë të ditur ministri i Komunikimit në Kuala Lumpur, Fahmi Fadzil, në një intervistë për gazetën “New Straits Times”.

Vendimi, sipas qeverisë, synon të luftojë krimin kibernetik, mashtrimin dhe bastet online, bullizmin kibernetik dhe pornografinë e fëmijëve.

Z. Fahmi shpjegoi në intervistë se tetë platformat nuk ishin në shënjestër arbitrare nga autoritetet malajziane, por janë ato me të paktën tetë milionë përdorues aktivë në vend.

Ministri bëri të ditur se ishte i angazhuar në dialog me kompanitë pronare. Sipas tij, këto të fundit do të bënin mirë t'i përshtateshin rregullave të reja duke pasur parasysh rëndësinë e tregut të Malajzisë për sa i përket fitimeve.

Artikulli, si shembull, kujton se vetëm kompania “Meta” - pronar i WhatsApp, Facebook dhe Instagram - fitoi 2.5 miliardë ringgit, afërsisht 753 milionë dollarë, nga të ardhurat nga reklamat në Malajzi në një vit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit