POLICIA E SHTETIT: FILLUAN PROCEDURAT PENALE PËR EKSTRADIMIN NGA ITALIA TË KRISTJAN LULAJT | AKUZOHET SE SHTIU ME ARMË ZJARRI NDAJ EMILJANO PALOKËS NË VELIPOJË.

Tiranë, Shqipëri | Strukturat përgjegjëse të Policisë së Shtetit kanë filluar kryerjen e veprimeve proceduriale të parashikuara nga legjislacioni në fuqi me qëllim ekstradimin nga Republika e Italisë drejt Republikës së Shqipërisë të:

1- Z. Kristjan Lulaj.

Ai akuzohet se shtiu me armë zjarri ndaj:

1- Z. Emiljano Paloka.

Njoftim | Vijojnë operacionet e përbashkëta me partnerët, për kapjen e shtetasve në kërkim ndërkombëtar.

Shkëmbimi i informacioneve me homologët italianë, lokalizon dhe çon në pranga një shtetas shqiptar të shpallur në kërkim ndërkombëtar.

Kapet në Itali dhe arrestohet me qëllim ekstradimin në Shqipëri, një 26-vjeçar, i cili 1 vit më parë, tentoi të vriste me armë zjarri, një shtetas, në Velipojë.

Në vijim të bashkëpunimit me homologët italianë, për lokalizimin, kapjen dhe ekstradimin e shtetasve në kërkim ndërkombëtar, bazuar në informacionet e shkëmbyera ndërmjet palëve, u lokalizua në Itali, u kap dhe u arrestua, shtetasi:

K. L., 26 vjeç.

Ky shtetas ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Shkodër, me vendimin e datës 21.05.2024, i ka caktuar masën e sigurisë "Arrest në burg", për veprat penale "Vrasja me dashje", mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit".

Ky shtetas akuzohet se në fshatin Malikolaj, Velipojë, ka tentuar të vrasë me armë zjarri, shtetasin E. P., 27 vjeç, për motive të dobëta.

Interpol Tirana dhe Interpol Roma do të kryejnë procedurat për ekstradimin e këtij shtetasi, në Shqipëri, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit