PRESIDENTI ERDOGAN: OPOZITA TURKE ËSHTË HIPOKRITE; NUK KEMI KOHË PËR TË HUMBUR ME SHFAQJET E SAJ.

Stamboll, Turqi | “Përpjekjet e opozitës për të portretizuar konfliktet e saj të brendshme apo problemet e saj me ligjin si çështjen më të rëndësishme të vendit janë kulmi i hipokrizisë”, deklaroi presidenti turk Rexhep Tajip Erdogan, pasi kryetari i bashkisë së Stambollit Ekrem Imamoglu, një figurë e shquar e opozitës dhe rivali i tij kryesor, u arrestua të mërkurën me akuza përfshirë korrupsionin dhe ndihmën ndaj terrorizmit.

Arrestimi shkaktoi protesta të forta në të gjithë vendin.

“Nuk kemi kohë për shfaqje opozitare, as në nivel personal, as në nivel partiak apo aleance”, tha ai.

“Media dhe partia opozitare nuk janë në gjendje t'i përgjigjen akuzave të bëra nga drejtësia, si për çështjen e diplomës, ashtu edhe për çështjen e korrupsionit”, tha ai, duke iu referuar akuzave ndaj z. Imamoglu dhe faktit se një ditë para arrestimit, Universiteti i Stambollit kishte anuluar certifikatën e diplomës së kryetarit të Stambollit, duke e konsideruar atë të rreme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit