PRESIDENTI FRANCEZ EMANUEL MAKRON DËNOI SULMIN KRIMINAL KUNDËR RABINIT ARIÉ ENGELBERG DHE DJALIT TË TIJ TË MITUR NË ORLÉANS I VËNË NË ZBATIM NGA NJË 16-VJEÇAR I CILI U ARRESTUA NGA POLICIA.

Paris, Francë | Antisemitizmi është helm.

Presidenti francez Emanuel Makron e tha këtë një ditë pas sulmit ndaj rabinit Arié Engelberg në Orléans.

“Sulmi na ka tronditur të gjithëve. Unë i shpreh atij, djalit të tij dhe të gjithë bashkatdhetarëve tanë të besimit hebre mbështetjen time të plotë dhe atë të kombit”, tha kreu i shtetit francez.

“Ne nuk do t'i dorëzohemi heshtjes apo mosveprimit”, shkroi presidenti Makron në një mesazh në rrjetin social virtual Iks (X).

Dje rreth orës 13:30 rabini Engelberg po ecte nëpër rrugët e Orléans me djalin e tij nëntë vjeçar kur një adoleshent filloi ta filmonte dhe ta fyente.

Kur rabini i kërkoi të largohej, djali e goditi në kokë dhe e kafshoi në shpatull para se të ikte.

Adoleshenti, 16 vjeç, u arrestua më pas nga policia.

Një hetim penal është hapur për dhunë me qëllim të keq të kryer për shkak të përkatësisë fetare aktuale ose të supozuar të viktimës.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit