PRESIDENTI I REPUBLIKËS SË SHQIPËRISË BAJRAM BEGAJ PRITI NË NJË TAKIM ZV/KRYEMINISTRIN E PARË (DHE MINISTRIN E MJEDISIT DHE PLANIFIKIMIT HAPËSINOR) TË REPUBLIKËS SË MAQEDONISË SË VERIUT IZET MEXHITI.

Tiranë, Shqipëri | Presidenti i Republikës së Shqipërisë Bajram Begaj priti në një takim zv/kryeministrin e Parë (dhe ministrin e Mjedisit dhe Planifikimit Hapësinor) të Republikës së Maqedonisë së Veriut, Izet Mexhiti.

Gjatë bisedës mes tyre u vlerësua bashkëpunimi i deritanishëm dhe u nënvizua nevoja për thellimin e marrëdhënieve mes Shqipërisë dhe Maqedonisë së Veriut në ekonomi, shkëmbimet tregtare, infrastrukturë, turizëm e kulturë, si dhe bashkëpunimi për avancimin e procesit të integrimin evropian e të nismave të bashkëpunimit rajonal.

Presidenti Begaj vlerësoi rolin e patjetërsueshëm të faktorit shqiptar në Maqedoninë e Veriut për paqen, sigurinë, zhvillimin e qëndrueshëm dhe orientimin e palëkundur Euroatlantik, së pari për vetë vendin, e më tej për Ballkanin Perëndimor (Europën Juglindore, shënim. red.)

Në takim u theksua rëndësia e një angazhimi të përbashkët për të avancuar me tej procesin e integrimit në Bashkimin Europian.

Presidenti Begaj rikonfirmoi angazhimin e tij të plotë për një bashkëpunim produktiv e të vazhdueshëm, si dhe mbështetjen ndaj shqiptarëve në Maqedoninë e Veriut.

Presidenti Begaj theksoi rëndësinë e forcimit të përfaqësimit politik të shqiptarëve në nivele të larta të qeverisjes se vendit, apo edhe ato vendore, si një përgjegjësi e drejtpërdrejtë ndaj qytetarëve për garantimin dhe respektimin e të drejtave të tyre.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit