PRESIDENTI I RIZGJEDHUR I EKUADORIT DANIEL NOBOA: DO TË DONIM TË KISHIM TRUPA AMERIKANE PËR TË MENAXHUAR KRIMIN NË EKUADOR.

Kuito, Ekuador | Qeveria ekuadoriane do të donte shumë të ishte në gjendje të llogariste në trupat amerikane për të menaxhuar krimin në territorin e saj. Presidenti i sapozgjedhur Daniel Noboa tha këtë në një intervistë me transmetuesin televiziv amerikan “CNN”.

“Ne do të donim të bashkëpunonim me forcat e sigurisë amerikane dhe mendoj se ka shumë mënyra për ta bërë këtë, veçanërisht në monitorimin e operacioneve të paligjshme që dalin nga Ekuadori”, tha presidenti i rizgjedhur Noboa, duke specifikuar se kontrolli i operacioneve do të mbetet në duart e policisë dhe ushtrisë kombëtare.

“Ne do të donim të bashkëpunonim, sepse na duhet; ne po bëjmë një luftë transnacionale dhe ne jemi të vetmit në të.

Problemi i drogës, trafikut të drogës dhe aktivitetit të kartelit është një problem transnacional dhe të gjitha vendet duhet ta konsiderojnë si të tillë”, tha ai.

Lidhur me praninë e bazave të përhershme ushtarake amerikane, presidenti Noboa tha: “Ne jemi të hapur ndaj bazave (ShBA) për të kontrolluar operacionet e paligjshme në miniera dhe trafik droge, madje edhe peshkim ilegal.

Mendoj se do të na ndihmonte të ruanim paqen në Ekuador, siç ishte në të kaluarën me bazën Manta”.

Referenca është për një bazë ushtarake amerikane në qytetin bregdetar verior Manta, provinca Manabí: në vitin 2009, presidenti i atëhershëm Rafael Korrea (Correa) nuk e rinovoi marrëveshjen me Uashingtonin për koncesionin, duke i dhënë fund pranisë së aktiviteteve ushtarake të huaja në territorin kombëtar.

Presidenti Noboa nga ana e tij ka paraqitur një projektligj në drejtim të kundërt për të rihapur këtë mundësi.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit