___.png)
Uashington, Amerikë | Presidenti i zgjedhur Danlld Tramp (Donald Trump) nuk e ka përjashtuar përdorimin e forcës ushtarake për një ripushtim të mundshëm të Kanalit të Panamasë dhe për aneksimin e Grenlandës, të cilën ai konsideron si “tarifa kundër Danimarkës”.
Duke iu përgjigjur një pyetjeje specifike nga një gazetar gjatë një fjalimi në Mar-a-lago, presidenti i zgjedhur nuk u përgjigj se nuk do të përdorte forcë.
Ai më pas tha se aleatët e NATO-s duhet të shpenzojnë 5% të Prodhimit të Brendshëm Bruto.
“Unë nuk mund të jap garanci për asnjërën çështje”, u përgjigj z. Tramp, kur u pyet nga një gazetar nëse ai do të përjashtonte përdorimin e forcës ushtarake ushtarake ose detyrimin ekonomik ndaj Panamasë dhe Grenlandës.
“Por mund të them këtë; ne kemi nevojë për sigurinë ekonomike. Kanali i Panamasë është ndërtuar për ushtrinë tonë. Unë nuk do të angazhohem për këtë tani... Mund të më duhet të bëj diçka”, tha z. Tramp.
Ai ka zbuluar planet për të riemërtuar Gjirin e Meksikës. “Do ta quajmë Gjiri i Amerikës, sa emër i bukur”, tha ai, dhe këmbënguli në synimin për të marrë Kanalin e Panamasë duke shpjeguar se jemi në negociata me ta.
Më pas ai zbuloi se donte të përdorte forcën ekonomike kundër Kanadasë, vendit që presidenti i zgjedhur do të donte të bëhej shteti i 51-të i Amerikës.
Presidenti Tramp përsëriti gjithashtu se administrata e tij do të lehtësojë lejet mjedisore për kompanitë që investojnë mbi një miliardë dollarë në SHBA.
Në një fjalim në Mar-a-Lago, presidenti i zgjedhur përsëriti gjithashtu se ndalimi i presidentit në largim Xhëu Baidn (Joe Biden) për shpimet në det nuk do të mbetet në fuqi.
Ai nuk përjashton forcën ushtarake për Panamanë dhe Grenlandën.
Ai gjithashtu njoftoi 20 miliardë investime për ndërtimin e qendrave të të dhënave në SHBA nga miliarderi i pasurive të paluajtshme të Emirateve të Bashkuara Arabe, Hussain Sajwani, themelues dhe president i Damac.
“Manjati shpjegoi se qendrat e të dhënave do të ndërtohen në disa shtete.
Ne jemi shumë të emocionuar për këtë presidencë të re”, tha ai.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments