PRESIDENTI RUS VLADIMIR PUTIN PRITI NË TAKIM MINISTRIN E JASHTËM KINEZ UANG JI (WANG YI).

Moskë, Federata Ruse | Pala ruse është e kënaqur me mënyrën se si po zhvillohen marrëdhëniet mes Rusisë dhe Kinës.

Presidenti rus Vladimir Putin e bëri këtë deklaratë gjatë një takimi me ministrin e Jashtëm kinez Uang Ji (Wang Yi) në Kremlin.

“Ne duam të shprehim kënaqësinë tonë për mënyrën se si po zhvillohen marrëdhëniet tona, duke përfshirë mbështetjen e drejtpërdrejtë të ministrive tona të jashtme”, tha presidenti rus.

“Rusia dhe Kina bashkëpunojnë me sukses në shumë platforma ndërkombëtare”, tha presidenti Putin.

“Do të kemi një mundësi të flasim si për gjendjen aktuale të marrëdhënieve dypalëshe, ashtu edhe për të diskutuar ndërveprimin tonë në platformat ndërkombëtare, ndër të cilat, natyrisht, para së gjithash theksojmë OKB-në, Këshillin e Sigurimit të OKB-së, si dhe Organizatën e Bashkëpunimit të Shangait, BRICS-in dhe një sërë platformash të tjera ku punojmë së bashku dhe me sukses”, tha presidenti Putin.

Presidenti rus njoftoi se po pret presidentin kinez Shi Xhinping (Xi Jinping) në Rusi për festimet e 9 majit.

“Ne e presim atë në Rusi me rastin e 80-vjetorit të Fitores në Luftën e Madhe Patriotike, Luftën e Dytë Botërore. Le ta festojmë së bashku këtë përvjetor, si fitoren mbi Gjermaninë naziste ashtu edhe fitoren mbi Japoninë militariste”, tha presidenti Putin gjatë takimit me z. Uang Ji (Wang Yi).

Rusia kurrë nuk filloi të prishë marrëdhëniet me vendet e tjera. Këtë e tha në një konferencë shtypi zëdhënësi i Kremlinit, Dmitri (Dmitry) Peskov.

“Rusia nuk ka qenë kurrë nismëtare e përkeqësimit të marrëdhënieve me shtetet e tjera, duke përfshirë dhe veçanërisht me fqinjët e saj”, u tha z. Peskov gazetarëve.

“Finlanda dhe Suedia kanë zgjedhur t'i reduktojnë marrëdhëniet me Rusinë praktikisht në zero.

Kompanitë nga të dy vendet kanë marrë dividentë dhe përfitime nga ky bashkëpunim.

Por pavarësisht kësaj, Finlanda dhe Suedia kanë zgjedhur ta reduktojnë këtë marrëdhënie praktikisht në zero”, u tha z. Peskov gazetarëve.

“Dëshiroj të kujtoj fjalët e presidentit Putin, sipas të cilit duket se Finlanda dhe Suedia nuk kanë pasur probleme me ne. Dhe tani ata po tërheqin zvarrë infrastrukturën ushtarake të NATO-s në territorin e tyre, megjithëse nuk kishte probleme, përkundrazi, ishte një bashkëpunim me përfitim reciprok”, shtoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit