PROKURORIA E ROMËS: ILARIA SULA U VRA NË SHTËPINË E TË ARRESTUARIT MARK ENTËNI (ANTONY) SAMSON NË “LAGJEN AFRIKANE” NË RRUGËN “HOMS” | NË BANESË ISHIN EDHE PRINDËRIT E TIJ.

Banesa ku u vra Ilaria Sula në “Lagjen Afrikane”, më rrugën “Homs”.

Romë, Itali | Znjsh. Ilaria Sula, studente me origjinë shqiptare, me banim në Terni, mbeti e vrarë me thikë.

Kështu rezulton nga hetimi i Prokurorisë së Romës që akuzon ish të dashurin e saj, z. Mark Entëni (Antony) Samson për vrasje me dashje dhe fshehje kufome.

Sipas asaj që mësohet, sulmi ka ndodhur në shtëpinë e tij, në rrugën Homs (via Homs), në lagjen afrikane, ndërsa në shtëpi kanë qenë edhe prindërit e 22-vjeçarit.

Babai dhe nëna nuk janë aktualisht nën hetim penal. Gjatë marrjes në pyetje para prokurorit, i dyshuari si vrasës nuk është përgjigjur në disa pyetje.

Thjesht tha se e kishte ngarkuar trupin në makinë, e kishte mbyllur në një valixhe dhe e kishte hedhur nga një shkëmb.

Ai e ka hedhur thikën në një kazan në lagjen Montesakro (Montesacro), por ende nuk është gjetur, ashtu si telefoni i vajzës, i cili, u hodh në një pusetë.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Viktima, Ilaria Sula dhe filipinezi i arrestuar si vrasës i saj, Mark Entëni (Antony) Samson.

Vrasësi filipinez Mark Entëni (Antony) Samson.

Viktima Ilaria Sula.

Vendi ku gjet e hedhur valixhja ku ishte futur studentja shqiptare Ilaria Sula.

Komisariati i policisë i Shën Lorencit (San Lorenzo).

Viktima, Ilaria Sula.