PROPAGANDA RUSE TANI SYNON FRANCËN ME LAJME TË RREME TË KRIJUARA NGA INTELIGJENCA ARTIFICIALE QË PËRHAPEN NË MEDIAT SOCIALE (38877 POSTIME GJENERUAN 55.8 MILIONË SHIKIME).

Paris, Francë | Pas Gjermanisë dhe Shteteve të Bashkuara, Franca është tashmë në shënjestër të një operacioni propagandistik rus.

Kjo u zbulua nga studiuesit në NewsGuard, të cilët, hodhën dritë mbi fushatën Storm-1516, e cila, midis dhjetorit 2024 dhe marsit 2025, goditi vendin me lajme të rreme të krijuara nga IA-ja dhe u përhapën në mediat sociale, ku ato qarkulluan në 38877 postime në rrjetet sociale, duke gjeneruar 55.8 milionë shikime.

Faktorit shqetësues i shtohet fakti se chatbot-et kryesore gjeneruese të IA-së kanë kuptuar menjëherë këto narrativa të rreme për Francën, duke nxitur më tej dezinformatat rreth dhe në vend.

Sipas studiuesve në NewsGuard, në fakt, chatbot-et kryesore perëndimore përsëritën rrëfime dezinformuese në lidhje me Storm-1516 32% të rasteve, falë një strategjie të riciklimit të narrativave përmes faqeve të lajmeve të rreme lokale dhe videove të përhapura në YouTube.

Konkretisht, ishin pesë lajme të rreme që u bënë virale në mediat sociale: Një video që tregon një emigrant nga Çadi duke rrëfyer se ka abuzuar me një vajzë 12-vjeçare në Francë.

Lajmi për blerjen e një banke private franceze, Milleis Banque, nga presidenti ukrainas Volodimir Zelenski, duke e akuzuar kështu për përvetësimin e ndihmës ushtarake për qëllime personale.

Një video që tregon grupin militant islamik Hay'at Tahrir al-Sham duke kërcënuar se do t'i vërë zjarrin Katedrales Notre Dame.

Një video në të cilën një aktivist francez i afërt me çështjet e SIDA-s akuzon presidentin Emanuel Makron se kishte pasur një lidhje me vëllain e tij të ndjerë.

Një video në të cilën një ish-studente e dyshuar e zonjës së parë franceze Brixhit Makron (Brigitte Macron) e akuzon atë për abuzim seksual me të.

Një mori lajmesh që synojnë të njollosin disa nga figurat kryesore në politikën franceze dhe më gjerë, të cilat, erdhën si përgjigje ndaj vendimit të presidentit Makron për të rritur mbështetjen ushtarake për Ukrainën dhe trazirave politike që rrethojnë përjashtimin e udhëheqëses së ekstremit të djathtë të mbështetur nga Kremlini, Marine Le Pen nga kandidimi në zgjedhjet presidenciale të vitit 2027 për një akuzë për përvetësim.

“Operacionet ruse të dezinformimit që synojnë Francën po intensifikohen ndërsa mbështetja franceze për Ukrainën forcohet dhe Franca merr përgjegjësinë e plotë”, tha një zyrtar francez i sigurisë kibernetike për NewsGuard duke konfirmuar situatën e vështirë që po përjeton vendi aktualisht.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit