___.png)
Bruksel, Belgjikë | “Ka mbështetje të gjerë politike nga udhëheqësit e BE-së për iniciativën e mbrojtjes prej 40 miliardë eurosh për Ukrainën”, deklaroi Përfaqësuesja e Lartë për Politikë të Jashtme dhe Siguri të BE-së, Kaja Kallas, në përfundim të Këshillit të Punëve të Jashtme të BE-së në Bruksel.
“Sigurisht, diskutimi për momentin është në përcaktimin e detajeve”, tha presidentja Kallas.
“Në Këshillin e fundit Evropian ne thamë se duhet të ecim përpara me këtë iniciativë dhe ne kemi punuar për këtë pak më shumë, ne shpresojmë se do të jemi në gjendje të ecim përpara, sepse të gjithë e kanë kuptuar se ne duhet të tregojmë vendosmërinë tonë në këtë moment dhe të mbështesim Ukrainën në mënyrë që ajo të mund të mbrohet.
Udhëheqësit e BE-së i mirëpritën rezultatet e bisedimeve të Xhedah (Jeddah) mbi negociatat e marrëveshjes së paqes dhe tani, natyrisht, topi është në fushën e Rusisë dhe ajo që ne shohim për momentin është se Rusia nuk dëshiron vërtet paqe dhe ajo që u kuptua gjithashtu në tryezën e liderëve të BE-së është se Rusia me të vërtetë nuk mund t'i besohet”.
Udhëheqësit e BE-së dënuan politizimin e ndihmave humanitare sepse ndihma humanitare duhet të arrijë tek njerëzit në nevojë dhe ne mirëpritëm planin e rindërtimit arab për Gazën, natyrisht, ajo që është shumë e rëndësishme për evropianët është se Hamasi nuk ka asnjë rol në të ardhmen në rindërtimin e Gazës.
“Për sa i përket shkurtimeve të fondeve të ShBA-ës për transmetuesit globalë si Radio Evropa e Lirë, ka pasur një shtytje të fortë nga ministrat e jashtëm të BE-së për të diskutuar këtë çështje dhe për të gjetur një zgjidhje.
Kështu, kjo është detyra që na është caktuar: të shohim se çfarë mund të bëjmë nga ana tjetër e Perdes së Hekurt, ishte Radio nga e cila morëm shumë informacione për atë që po ndodhte me të vërtetë një konkluzion”.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
留言