REPRESIONI IDEOLOGJIK | OKB AKUZON KUBËN KOMUNISTE PËR SHTYPJE TË FESË KATOLIKE, PROTESTANTE, ISLAME DHE JORUBA.

Nga znj. Mikaela (Micaela) Ferraro.

Jorku i Ri, Amerikë | OKB-ja akuzon Kubën për represion fetar kundër Islamit dhe feve katolike, protestante, dhe joruba.

Organizata e Kombeve të Bashkuara paraqiti një letër ankesash kundër Kubës më 1 shtator 2023: regjimi u akuzua se kishte zbatuar një model qeveritar të kontrollit fetar institucional, dhe shtypjes (represionit) kundër feve të tjera të pranishme në ishull, në veçanti Islamit, Katolicizmit, Protestantizmit dhe Jorubës.

Akuza e OKB-së bazohet në hetimin e gjatë të kryer nga Prisoners Defenders, në vitin 2022.

OJQ-ja spanjolle kreu një kërkim të thelluar mbi kufizimin e lirive fetare në Kubë, bazuar në deklaratat e 56 udhëheqësve fetarë dhe laikë të katër feve të praktikuara në Kubë.

Duke punuar në bashkëpunim me OAA, (Outreach Aid to the Americas), ka hartuar një raport që thekson se si liria e fesë është më pak e mbrojtur në kushtetutën e re kubane, e cila, hyri në fuqi në vitin 2019, e cila, ndryshoi mbrojtjen e njohur më parë për besimtarët.

Ky raport u miratua më vonë nga USCIRF, Komisioni Amerikan për Studimin e Lirive Fetare.

Sipas asaj që doli, qeveria e Kubës synonte në mënyrë agresive udhëheqësit (liderët) fetarë që kundërshtojnë ndërhyrjen e autoriteteve, dhe gjithashtu përdorte fushatë të vazhdueshme ngacmimi dhe frikësimi kundër tyre.

Shtetet e Bashkuara kanë shprehur shqetësim të thellë për situatën në vend.

Sipas raportit të hartuar nga Prisoners Defenders, qeveria qendrore kubane shtyp dhe kontrollon absolutisht të gjitha praktikat fetare në vend, duke krijuar grupe fiktive në duart e partisë komuniste, përmes Zyrës së Vëmendjes ndaj Çështjeve Fetare (OAAR).

Këto janë Shoqata Kulturore Joruba, Lidhja Islamike e Kubës, Këshilli i Kishave dhe Pastorëve për Paqe: të katërta menaxhohen nga Sigurimi Shtetëror, dhe shërbejnë për të fshehur shtypjen (represionin) brutal të cilit i nënshtrohen disa besime fetare, veçanërisht Islami, besimi më i ndaluar dhe i kontrolluar në të gjithë vendin.

Sipas PD-së, Shoqata Kulturore Kubane u krijua për të monopolizuar diskursin e kësaj feje afro-kubane, e cila është shumë e pranishme në popullatë dhe për të mbështetur Qeverinë.

Megjithatë, përmes Këshillit të Kishave dhe Barinjve për Paqe, kishat e krishtera janë heshtur.

RASTET E REPRESIONIT TË RAPORTUARA.

Në vitin 2023 Prisoners Defenders raportuan 13 raste të represionit fetar që ndodhën në Kubë: njerëzit që u burgosën u përkasin të gjithë katër feve të ekzaminuara, dhe shumë prej tyre janë ende në burg, në situata varfërie ekstreme dhe në rrezik për jetën e tyre.

Në letrën e OKB-së theksohet shqetësimi për rastet e shqyrtuara: “Në këtë drejtim, dëshirojmë të shprehim shqetësimin tonë të thellë për akuzat për arrestim, ndalim arbitrar dhe burgosje të z. Hernández Garsia (García), Pérez Paseiro, Díaz Paseiro, Rodríguez Isak (Isaac), dhe Pérez Kruz (Cruz), si dhe për akuzat për keqtrajtim në shumë prej këtyre rasteve.

Ne gjithashtu dëshirojmë të shprehim shqetësimin tonë për ngacmimet dhe shtypjet (represionet) kundër anëtarëve dhe drejtuesve të Asociación de Yorubas Libres, Asociación Cubana para la Divulgación del Islam, dhe komuniteteve katolike dhe ungjillore në Kubë.

Në mënyrë të veçantë, situatat e mëposhtme shkaktojnë shqetësim: Asociación de Yorubas Libres, një shoqatë e pavarur fetare afro-kubane që është persekutuar dhe ngacmuar dhe ka pësuar arrestime arbitrare, kërcënime, sulme fizike, shkatërrim të objekteve ceremoniale, mbikëqyrje policore, kontrolle dhe sekuestrime dhe ngacmime sistematike.

Ifá Loreto Hernández Garsia (García), prift Joruba, “i arrestuar dhe i marrë në pyetje sistematikisht që nga viti 2011 (…) i akuzuar për çrregullim publik dhe përbuzje të gjykatës.

Ifá Donaida Pérez Paseiro, prifti Joruba, u arrestua dhe u mor në pyetje arbitrarisht në të paktën 56 raste midis viteve 2011 dhe 2021 (…), dhe u sulmua fizikisht nga policia.

Z. Mitzael Díaz Paseiro, një famullitar Joruba, i dënuar me tre vjet e gjashtë muaj burg më 24 nëntor 2017 për një krim të dyshuar para delikuencës të rrezikshmërisë sociale, i mbyllur rregullisht në qelitë e izolimit me mure, pa akses në ventilim ose dritë të dielli, ku ishte rrahur rëndë dhe ishte lënë pa mundur të pinte ujë për ditë të tëra.

Motrat Lisdeni (Lisdiany), dhe Lisdani Rodríguez Isak (Isaac), famullitare Jorube, morën pjesë në një demonstratë, pas së cilës u arrestuan më 17 korrik 2021.

Dy motrat u mbajtën prej muajsh në paraburgim me masën e ndalimit të Prokurorisë, pa ndërhyrjen e kujdestarit gjyqësor.

Për 15 ditë pas arrestimit, të afërmit e tyre thuhet se nuk ishin në dijeni të vendndodhjes së tyre.

Ato u dënuan me 8 vjet burgim me dënimin 26/2022 të çështjes 49 të PFL 690/21 të Caibarién, për krimet e çrregullimit publik, përbuzjes së gjykatës dhe sulmit.

Shoqata Kubane për Përhapjen e ISLAM-it, një shoqatë e pavarur e ndaluar nga autoritetet dhe e persekutuar, aktivitetet e saj pengoheshin vazhdimisht nga Departamenti i Sigurimit të Shtetit dhe autoritete të tjera.

Imam Abu Duyanah (Niovel Alexander Tamayo Formén), imam musliman, i arrestuar dhe i nënshtruar trajtimit çnjerëzor dhe poshtërues, i nënshtruar arrestit shtëpiak, si dhe monitorimit, ngacmimit, thirrjeve, kërcënimeve dhe ndalimit arbitrar për shkak të veprimtarisë së tij si udhëheqës fetar.

Z. Marco Antonio Pérez Kruz (Cruz), një katolik praktikues, i cili, ishte bibliotekar në Bibliotekën Dioqezane, dhe që thuhet se u dha mbështetje shpirtërore disa individëve dhe grupeve të perceptuara si disidentë nga autoritetet (…), nuk kishte qenë kurrë politikisht aktiv.

At José Kastor (Castor) Álvarez Devesa, një prift katolik që dyshohet se ka vuajtur dhunë fizike, ndalim arbitrar dhe kufizime arbitrare të të drejtave të tij (...), një anëtar i Brigadave të Prodhimit dhe Mbrojtjes dyshohet se e goditi atë fort në kokë me shkop bejsbolli.

At David Pantaleón (prift katolik), prift katolik domenikan i cili shërbeu për pesë vjet si kreu i Shoqërisë së Jezusit në Kubë dhe kryesoi Konferencën Kubane të Burrave dhe Grave Fetare (CONCUR) (…).

At David Pantaleón kishte mbështetur respektin për të drejtat e njeriut të njerëzve të ndaluar dhe të burgosur në këtë kontekst dhe mbështeti familjet e tyre (…).

Si rezultat i kësaj pune, z. Pantaleón thuhet se mori kërcënime dhe presione të përsëritura nga Zyra e Çështjeve Fetare dhe qeveria, dhe ai vazhdoi të refuzonte të braktiste aktivitetet e tij mbështetëse shpirtërore për të burgosurit.

Pastor Elier Muir Ávila dhe Pastor Minerva Burgos López, janë një çift pastorësh ungjillorë të martuar.

Në vitin 2013, pastorët thuhet se shkuan në Departamentin e Çështjeve Fetare të Drejtorisë Bashkiake të Partisë Komuniste për të kërkuar lejet e nevojshme për hapjen e shtëpive të kultit për komunitetin e tyre, por u refuzuan nga autoritetet e Partisë dhe Drejtoria Bashkiake e Partisë Komuniste.

U pyetën nga Ministria e Drejtësisë (...) dhe nga agjentët e shtetit për besimin dhe aktivitetet e tyre fetare, dhe u tallën e fyen për besimin e tyre, të akuzuar se u përkasin një “kulti satanik”, të kërcënuar me ndjekje penale, dhe të dënuar deri në 20 vjet burg nëse nuk e ndryshonin përmbajtjen të mesazheve që z. Muir Ávila i shpërndau komunitetit të tij (…).

LETRA E AKUZËS NGA KOMBET E BASHKUARA.

Letra e paraqitur nga OKB-ja drejtuar qeverisë qendrore të Kubës mund të konsultohet në tërësi.

Regjimi akuzohet se ka vepruar kundër të drejtave dhe lirive themelore dhe, veçanërisht, për: - Ushtrim torture, trajtim mizor, çnjerëzor ose poshtërues; - Cenimin e lirisë dhe sigurisë së personit dhe ndalimi i ndalimit arbitrar;

ushtrimin e trajtimit të padenjë dhe çnjerëzor të personave të privuar nga liria; - Shkeljen e të drejtës për barazi para gjykatave dhe për një proces të rregullt ligjor; - Shkeljen e të drejtës për lirinë e mendimit, ndërgjegjes dhe fesë; - Shkeljen e të drejtës për lirinë e tubimit paqësor; - Shkeljen e të drejtës për lirinë e organizimit; - Shkeljen e të drejtës për barazi para ligjit.

Letra është shkruar nga pesë mandate dhe raportues specialë të Kombeve të Bashkuara: ajo për lirinë e fesë ose besimit, Grupi i Punës për ndalimin arbitrar, Raportuesi Special për promovimin dhe mbrojtjen e të drejtës për lirinë e mendimit dhe të shprehjes, Raportuesi Special për të drejtat e lirisë së tubimit dhe organizimit paqësor dhe i Raportuesit Special për çështjet e pakicave.

Presidenti i Mbrojtësve të të Burgosurve, Javier Larrondo, tha: “regjimi kuban jo vetëm që shtyp lirinë fetare dhe arreston dhe burgos njerëzit fetarë, por gjithashtu e bën këtë paralelisht me një strukturë që krijon organizata të rreme fetare, siç është Lidhja Islamike e Kubës. Shoqata Kulturore Jorube, Këshilli i Kishave ose Pastorët për Paqe, të drejtuar nga Sigurimi i Shtetit, dhe qëllimi i të cilave është të zëvendësojë dhe të përjashtojë iniciativat e vërteta fetare në Kubë. Në lidhje me ndërhyrjen e OKB-së ai shtoi: duke ratifikuar këtë mekanizëm kontrolli në detaje, ky raport i Kombeve të Bashkuara ekspozon një praktikë makiaveliste dhe drakoniane për të kontrolluar qeniet njerëzore në Kubë, madje edhe në sferat e tyre më personale dhe shpirtërore.”

REAGIMI I KUBËS.

Kuba u përgjigj 20 ditë më vonë se 60 të dhëna nga Raportuesi Special, por nuk iu referua akuzave të qarta ndaj saj.

Në letër thuhet se veprimet e qeverisë kubane janë legjitime, dhe i referohet nenit 16 të Kushtetutës së Republikës.

Letra më pas përqendrohet në akuzat për punë të detyruar të marra nga Kombet e Bashkuara dhe OJQ-të si Human Rights Watch, Human Rights Foundation dhe British Medical Journal, dhe jo në çështjen e represionit ideologjik, që për të nuk ekziston.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit