SAMARATE (VARESE); ITALI | TERESA STABILE U VRA ME THIKË NGA BASHKËSHORTI I SAJ VINÇENCO (VINCENZO) GERARDI.

Gruaja e vrarë para shtëpisë së saj në zonën e Vareses.

Samarate (Varese), Itali | Një grua 55-vjeçare, Teresa Stabile, u godit me thikë për vdekje nga bashkëshorti i saj Viçenco (Vincenzo) Gerardi, 57 vjeç, rreth orës 19:00 të mbrëmjes së sotme në Samarate në zonën e Varese.

Çifti - me një djalë 28-vjeçar - ishin në proces ndarjeje.

Vrasja ndodhi në Rrugën Shën Xhovani Bosko (Via San Giovanni Bosco) ku gruaja jetonte e vetme në një vilë të vogël.

Sipas asaj që është rikonstruktuar deri më tani nga karabinierët e kompanisë Busto Arsizio (Varese) dhe njësia operative e komandës provinciale Varese, burri ka pritur që gruaja të kthehej nga puna në shtëpi dhe e ka sulmuar sapo ajo ka hyrë në oborrin e brendshëm të shtëpisë ndërsa ajo ishte ende në makinë.

Më pas 57-vjeçari ka tentuar të ikë.

Ndërkohë alarmi është ngritur. Ajo që ndodhi u pa nga një dëshmitar, një burrë që po ecte me qenin e tij.

Mjetet e emergjencës kanë mbërritur menjëherë në vendngjarje. Gruaja u ringjall në vendngjarje, më pas u dërgua me urgjencë në spitalin në Legnano (Milano) ku vdiq pak pasi mbërriti në dhomën e urgjencës.

Z. Gerardi, i cili tentoi të arratisej, u ndalua në Rrugën Torino (Via Torino), jo shumë larg vendit të vrasjes, pasi donte, sipas asaj që mësuan hetuesit, të vriste veten me të njëjtën thikë me të cilën vrau gruan e tij.

Më pas 57-vjeçari u dërgua në spital për kontrolle dhe më pas në kazermën në Busto Arsizio (Varese) në dispozicion të prokurorit publik Çiro Karamore (Ciro Caramore) që po koordinon hetimet.

Autoriteti gjyqësor ka urdhëruar sekuestrimin e makinës dhe vilës.

Në trupin e znj. Teresa Stabile do të bëhet autopsi për të përcaktuar edhe numrin e plagëve me thikë.

Nuk përjashtohet që gjyqtari të dëgjojë z. Gerardin tashmë gjatë natës.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit