SAMITI BOTËROR I INTELIGJENCËS ARTIFIACIALE | FOLËN UDHËHEQËSIT BOTËRORË: EDHE RAMA MES TYRE.

Londër, Britani e Madhe | Dy ditë diskutim mes liderëve ndërkombëtarë, përfaqësuesve të gjigantëve të internetit dhe ekspertëve. Samiti Botëror për Inteligjencën Artificiale (në vijim do të referohet si AI), mbahet në Londër, Mbretëria e Bashkuar. Krerët e qeverive ndërkombëtare, kompanitë kryesore të inteligjencës artificiale, grupet e shoqërisë civile dhe ekspertët e kërkimit u mblodhën për të analizuar rreziqet e AI, veçanërisht në kufirin e zhvillimit, dhe për të folur se si t'i zbusin ato përmes veprimeve të koordinuara në nivel ndërkombëtar. Të pranishëm ishin manjatë inovativë të Silicon Valley si Elon Musk dhe Sam Altman, bashkëthemelues të OpenAI, start-up që zhvilloi ChatGPT. Ministri i Biznesit dhe Made in Italy Adolfo Urso ishte i pranishëm në ditën e parë, 1 nëntor, për të përfaqësuar Italinë, ndërsa dje, më 2 nëntor, do të merrte pjesë kryeministrja Giorgia Meloni. Mbreti Karl III (Charles III): Inteligjenca artificiale mund të ndryshojë jetën tonë. Mbreti dërgoi një video mesazh në të cilën, “ai njoftoi se Inteligjenca Artificiale konsiderohet jo më pak e rëndësishme se zbulimi i energjisë elektrike, ndarja e atomit, krijimi i rrjetit global apo edhe shfrytëzimi i zjarrit.” Sovrani tha: “Ne duhet të përballemi me rreziqet e paraqitura nga AI me një ndjenjë urgjence, uniteti dhe fuqie kolektive. Jemi dëshmitarë të një prej përparimeve më të mëdha teknologjike në historinë e njerëzimit.” Znj. Kamala Harris paraqet propozimin për rregulla dhe norma globale. Zëvendëspresidentja e SHBA Kamala Harris filloi nga teoria se teknologjia mund të sjellë si të mira të thella, dhe dëme të thella. Ajo më pas paraqiti një propozim për rregulla dhe norma globale sipas të cilave përmbajtja e krijuar nga inteligjenca artificiale do të shënohej për të shmangur mashtrimin dhe dezinformimin. Znj. Harris njoftoi se Shtetet e Bashkuara do të krijojnë një institut sigurie të inteligjencës artificiale për të testuar dhe analizuar teknologjitë e reja, pas asaj që njoftoi kryeministri britanik Rishi Sunak javën e kaluar. Ky i fundit kishte prezantuar institutin britanik si i pari në botë. Znj. Meloni: AI sfida më e madhe intelektuale, praktike dhe antropologjike. Kryeministrja Xhorxha Meloni (Giorgia Meloni) siguroi se inteligjenca artificiale do të jetë një nga temat në qendër të Presidencës italiane të G7 vitin e ardhshëm, duke argumentuar gjithashtu se aplikacionet e AI mund të sjellin mundësi të mëdha në shumë fusha, por edhe rreziqe të mëdha. Mekanizmat e paqartë të vendimmarrjes, diskriminimi, ndërhyrjet në jetën tonë private, deri në akte kriminale, sepse LLM-Large Language Models, mund të përdoren për të prodhuar armë, dëmtime biologjike të teknologjisë së ulët, sulme kibernetike, për të lehtësuar personalizimin e phishing. Zhvillimi i kësaj teknologjie, për kryeministren Meloni, është sfida më e madhe intelektuale, praktike dhe antropologjike e kësaj epoke. “Gjatë presidencës italiane të G7, shpjegon kryeministrja Meloni, një konferencë ndërkombëtare mbi inteligjencën artificiale, dhe punën, do të mbahet në Romë, në të cilën, ne dëshirojmë që studiues, menaxherë dhe ekspertë nga e gjithë bota të marrin pjesë, për të diskutuar metodat, iniciativat dhe udhëzimet për të siguruar se AI ndihmon dhe nuk zëvendëson ata që punojnë, përkundrazi përmirëson kushtet dhe perspektivat e tyre”, shtoi kryeministrja Meloni. “Me zhvillimin e inteligjencës artificiale pa rregulla ekziston rreziku që gjithnjë e më shumë njerëz të mos nevojiten në punë dhe në treg, me pasoja shumë të rënda në shpërndarjen e drejtë të pasurisë”, tha ajo. Më pas ajo nënvizoi se sa e rëndësishme është që AI të mos krijojë një hendek edhe më të madh midis të pasurve dhe të varfërve. “Ne jemi veçanërisht të shqetësuar për klasën e mesme, sepse e vërteta është se në zgjerimin e hendekut mes pasurisë dhe varfërisë, shtresa e mesme, tashmë në vështirësi sot rrezikon të eliminohet - shpjegoi ajo - dhe se objektivi ynë është të garantojmë një inteligjencë artificiale që promovon zhvillimin dhe përfshirjen në vend të papunësisë dhe margjinalizimit. Nuk është një sfidë e lehtë, por ne jemi të gatshëm si gjithmonë të bëjmë pjesën tonë pa hezitim.” Në fjalën e saj, kryeministrja më pas përsëriti: “Inteligjenca artificiale është e destinuar të ketë një ndikim të theksuar në skenarët gjeopolitikë, dhe balancat aktuale, thjesht sepse, është një teknologji që mund t'u garantojë atyre që e menaxhojnë, dhe përdorin një avantazh konkurrues. Pikërisht, siç ndodhi dhe ndodh akoma, për teknologjitë e tjera, duke filluar nga energjia. Historia na ka mësuar se konkurrenca për të marrë atë avantazh, dhe dallimet midis atyre që e kanë arritur atë avantazh, dhe atyre që kanë mbetur pas, mund të shkaktojnë tensione, nëse jo konflikte të drejtpërdrejta. Kryeministrja Meloni shtoi më pas, se, do të kishte rreziqe të mëdha, nëse këto zona do të konsideroheshin si zona të lira pa rregulla, dhe përparësia numër një, për vitet e ardhshme, është të sigurohet që inteligjenca artificiale të përqendrohet te njerëzit, dhe të kontrollohet nga njeriu.” Sipas kryeministres Meloni mekanizmat e qeverisjes shumëpalëshe janë të nevojshme për të garantuar barrierat etike ndaj inteligjencës artificiale, duke nënvizuar se kjo është fryma e “Thirrjes së Romës për etikën e AI”, të organizuar në Vatikan, në vitin 2020, gjatë së cilës lindi koncepti algoretika. Kjo do të thotë, se jemi duke u dhënë etikë algoritmeve, dhe se ne jemi të thirrur të përcaktojmë një kuadër rregullator adekuat, nëse duam të shfrytëzojmë mundësitë që AI mund të na ofrojë. Do të duhen shumë hapa dhe rregullime në vitet në vijim, bashkëpunim me ente private, por, inovacioni dhe rregullimi duhet të ecin paralelisht. Do të thotë se ajo që duhet të na shqetësojë më shumë është vendimmarrja jonë e ngadaltë në lidhje me shpejtësinë e zhvillimit të teknologjive të reja. “Askush nuk ka ndërmend të ndalojë inovacionin, apo të kthehet në epokën në të cilën punëtorët thyenin makineritë, dhe dikush donte të ndalonte trenat me avull – deklaroi kryeministrja – risia sigurisht që nuk duhet të ndalet – saktësoi ajo më tej –, por duhet të pyesim veten se problemi është se inteligjenca artificiale rrezikon të jetë një përshpejtues i madh i pasurisë vetëm për disa, dhe na takon ne të identifikojmë pikën e rënies, midis interesit të një qeverie, d.m.th. pasuria dhe punët e përhapura, dhe atij të biznesit, pra maksimizimi i fitimeve.” “Kryeministrja Meloni shpjegoi më pas se ne po punojmë për të përfunduar planin strategjik kombëtar për AI, po krijojmë një fond specifik për të mbështetur start-up-et italiane që operojnë në këtë sektor, kemi krijuar komitete për të studiuar ndikimin në sektorë të ndryshëm, dhe se ne mbështesim dhe bashkëpunojmë me Bashkimin Evropian për miratimin e Aktit të Inteligjencës Artificiale, me të cilin BE-ja ka marrë me përgjegjësi detyrën për të garantuar përdorimin e kujdesshëm të të mirave publike, dhe shmangien e përdorimeve të shtrembëruara për qëllime tregtare ose, më keq, sigurinë.”

Ministri Adolfo Urso tha: “Zbutni rreziqet, siç kanë bërë SHBA dhe Britania e Madhe.”

“Për të qeverisur fenomenin e AI, është e nevojshme të sigurohet, siç ka bërë presidenti amerikan Baidn (Biden), dhe siç po ndodh në BE, rregullore të detyrueshme për sistemet komplekse, që sigurojnë analiza adekuate parandaluese të rreziqeve, dhe aktiviteteve të mundshme zbutëse, identifikimin e përgjegjësitë e aktorëve të përfshirë, respektimi i pronësisë intelektuale, dhe privatësisë. Vendimi i kryeministrit të Mbretërisë së Bashkuar Sunak, për të krijuar një Instituti për sigurinë e AI, më duket gjithashtu i rëndësishëm”, tha në fjalën e tij Ministri i Biznesit dhe Made in Italy Adolfo Urso.

Ai më pas njoftoi: “Italia, në rolin e saj si Presidente e G7 2024, do të propozojë një kërcim cilësor pas asaj që presidenca japoneze ka propozuar tashmë me Procesin e Hiroshima Al, për të konfiguruar mbështetjen për inovacionin me nevojat e sigurisë. Miratimi i kodit të sjelljes, dhe parimeve udhëzuese, për zhvilluesit të hënën e kaluar, është një hap në drejtimin e duhur.”

Britania e Madhe publikon “Deklaratën Bletchley”.

“Deklarata përmbush objektivat kryesore të Samitit, duke vendosur marrëveshje dhe përgjegjësi të përbashkët, për rreziqet, mundësitë, dhe një proces të avancuar, për bashkëpunim ndërkombëtar për sigurinë dhe kërkimin e AI kufitare, veçanërisht, përmes rritjes së bashkëpunimit shkencor”, tha qeveria britanike në një deklaratë të veçantë, që shoqëron deklaratën e përbashkët.

Deklarata mbështet transparencën dhe përgjegjësinë, nga ata që zhvillojnë teknologjinë kufitare të AI, në planet e tyre, për të matur, monitoruar dhe zbutur aftësitë potencialisht të dëmshme.

“Kjo është një arritje historike që i sheh fuqitë më të mëdha në botë të AI, të bien dakord mbi urgjencën e të kuptuarit të rreziqeve të AI, duke ndihmuar për të siguruar të ardhmen afatgjatë të fëmijëve dhe nipërve tanë”, tha kryeministri britanik Rishi Sunak.

Ministrja Mishel Dounlen (Michelle Donelan): “Të punojmë së bashku është thelbësore.”

“AI është tashmë një forcë e jashtëzakonshme për të mirën në shoqërinë tonë, me mundësi të pafundme për të rritur ekonominë globale, për të ofruar shërbime publike më të mira, dhe për të adresuar disa nga sfidat më të mëdha në botë, por, rreziqet e paraqitura nga AI, janë serioze dhe thelbësore, dhe është jetike, që ne punojmë së bashku, si në nivel sektorial, ashtu edhe në nivel kombëtar, për t'i njohur ato”, tha Ministrja e Teknologjisë e Mbretërisë së Bashkuar, Mishel Dounlen (Michelle Donelan), në një shënim të lëshuar për mediat, përpara hapjes së konferencës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit