SEKRETARI I PËRGJITHSHËM I NATO-s MARK RUTTE: NATO-ja VAZHDON TË MBËSHTESË UKRAINËN DHE ËSHTË E VËMENDSHME NDAJ RAJONIT TË ARKTIKUT.

Kiev, Ukrainë | NATO vazhdon të mbështesë Ukrainën, me fonde të reja për mbrojtjen dhe sigurinë e vendit.

Këtë e ka përsëritur sot sekretari i Përgjithshëm i Aleancës Atlantike, duke paraqitur temat e diskutimit në kuadër të takimit të Ministrave të Jashtëm që do të presë nesër dhe të premten në Bruksel.

Në tre muajt e parë të vitit 2025, siç kujtoi sekretari Rutte, aleatët kanë premtuar tashmë më shumë se 20 miliardë euro ndihmë për sigurinë gjatë vitit, ndërsa komanda jonë në Wiesbaden vazhdon të koordinojë ofrimin e ndihmës për nevojat ushtarake dhe stërvitore të trupave të Kievit.

Në të njëjtën kohë, NATO i shikon me sy të mirë zhvillimet në negociatat e armëpushimit, të promovuara kryesisht nga Shtetet e Bashkuara.

Sekretari Rutte e vlerësoi presidentin e ShBA-ës Danlld Tramp (Donald Trump) për përfundimin e ngërçit mbi Ukrainën.

“Unë mbështes plotësisht përpjekjet e Shteteve të Bashkuara për t'i dhënë një fund të drejtë dhe të qëndrueshme kësaj lufte të tmerrshme, si dhe përpjekjet e Mbretërisë së Bashkuar, Francës dhe vendeve të tjera për të ndihmuar në sigurimin e një paqeje të qëndrueshme kur të vijë koha”, shtoi sekretari Rutte.

NATO, sidoqoftë, po përballet me një krizë të re të mundshme; ajo që ka të bëjë me Grenlandën, me Uashingtonin që pretendon nevojën për të marrë kontrollin e ishullit Arktik, duke e larguar atë nga një aleat si Danimarka.

Sipas sekretarit Rutte, Grenlanda është pjesë e Danimarkës, në kuptimin e përkatësisë në Mbretërinë e Danimarkës.

Unë do të thosha se është një territor i pavarur, por ende pjesë e domenit të mbretit.

“Perspektiva e bashkëpunimit të mbrojtjes në Arktik është e ndryshme, një temë që sipas sekretarit Rutte nuk ka të bëjë vetëm me Danimarkën përmes Grenlandës, por edhe Islandën, Norvegjinë, Finlandën, Suedinë, Kanadanë dhe Shtetet e Bashkuara, pra, vendet që janë pjesë e Këshillit Arktik së bashku me kombin e vetëm të jashtëm të Aleancës: Rusinë”.

Ne e dimë që kinezët janë duke shfrytëzuar rrugët detare që po hapen. Ne e dimë që rusët po e militarizojnë gjithnjë e më shumë atë pjesë të botës.

Ne e dimë se kemi një problem praktik shumë real, për shembull, faktin e mungesës së mjaftueshëm të akullthyesve, përfundoi sekretari i përgjithshëm.

Në këtë këndvështrim, duhet përmendur takimi i javës së kaluar në ShBA-ës midis presidentit Tramp (Trump) dhe presidentit finlandez Aleks (Alex) Stubb.

Takimi dypalësh u fokusua veçanërisht në blerjen e akullthyesve të ndërtuara nga kantieret finlandeze nga forcat amerikane, një shenjë e mëtejshme e interesit të ripërtërirë të Uashingtonit për forcimin e pranisë së ShBA-ës në Arktik.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit