SHEFI I SHTABIT TË PËRGJITHSHËM TË FORCAVE TË ARMATOSURA TË RSh-së GJENERALMAJOR ARBEN KINGJI PRITI SOT KOMANDANTIN E KOMANDËS AMERIKANE NË EVROPË GJENERALIN KRISTOFER KAVOLI (CHRISTOPHER CAVOLI).

Tiranë, Shqipëri | Shefi i Shtabit të Përgjithshëm, të Forcave të Armatosura, të Republikës së Shqipërisë, gjeneralmajor Arben Kingji, priti sot komandantin e Komandës Amerikane në Evropë, njëkohësisht komandant Suprem i Forcave Aleate në Evropë, gjeneralin Kristofer Kavoli (Christopher Cavoli).

Gjeneralmajor Kingji e njohu gjeneral Kavolin (Cavoli) me perspektivën e vendit tonë mbi situatën në rajon, disa nga zhvillimet kryesore në Forcat e Armatosura shqiptare, kontributin e vendit tonë në operacionet dhe misionet e drejtuara nga Aleanca, rishikimin e dokumenteve strategjike, përmirësimet ligjore, projektet e modernizimit, dhe mbështetjen e konsiderueshme të dhënë nga vendi ynë për Ukrainën.

Nga ana e tij gjeneral Kavoli (Cavoli) vlerësoi rolin e vendit tonë për stabilitetin e rajonit dhe kontributin cilësor në misionet dhe operacionet e drejtuara nga Aleanca dhe shprehu vullnetin e tij për të nxitur më tej bashkëpunimin dypalësh në të ardhmen.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit