SHKODËR: U SHTI ME ARMË ZJARRI NDAJ AUTOMJETIT TË PARKUAR TË ELVIS HOXHËS | DORASI U LARGUA NË DREJTIM TË PADITUR.

Shkodër, Shqipëri | Të shtëna me armë zjarri ndodhën sonte në Shkodër.

Kumtohet se u shti me armë zjarri të shkurtër (brezi) ndaj një automjeti të parkuar në pronësi të z. Elvis Hoxha.

Në automjetin ndaj të cilit u qëllua janë gjetur katër plumba.

Burime bëjnë me dije se autori dyshohet se ka shkuar në vendngjarje me një motomjet dhe pasi ka qëlluar është larguar në drejtim të paditur.

Njoftim | Shkodër/Informacion paraprak.

Rreth orës 20:10, në lagjen Partizani, në Sheshin Rus, nga një person që qarkullonte me një motomjet pa targa është qëlluar me armë zjarri në drejtim të automjetit tip Peugeot të parkuar, në pronësi të shtetasit E. H.

Nga të shtënat janë shkaktuar vetëm dëme materiale në automjetin e shtetasit E. H., si dhe dëmtime të lehta dhe në një automjet të parkuar afër automjetit tip Peugeot.

Pas marrjes së njoftimit shërbimet e Policisë dhe Grupi Hetimor kanë shkuar menjëherë në vendngjarje dhe po punojnë për sqarimin e rrethanave, identifikimin dhe kapjen e autorit dhe të drejtuesit të motomjetit që lëvizte autori.

Ndërkohë janë ngritur pika kontrolli dhe po ushtrohen kontrolle në zonë dhe ambiente të ndryshme ku dyshohet se mund të jenë fshehur autori dhe bashkëpuntori i tij, drejtuesi i motomjetit, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit