SHQIPËRIA MIRËPRET FORUMIN E FUNKSIONEVE TË ROJËS BREGDETARE TË MESDHEUT.

Tiranë, Shqipëri | Shqipëria mirëpret në datat 29-31 tetor Forumin e Funksioneve të Rojës Bregdetare të Mesdheut. Ky forum zhvillohet këtë vit nën kryesimin e Shqipërisë.

Ky forum i rëndësishëm rajonal synon forcimin e bashkëpunimit për sigurinë detare në Mesdhe, përmes shkëmbimit të praktikave më të mira dhe koordinimit të operacioneve të kërkim-shpëtimit, si dhe mbrojtjes së infrastrukturës kritike nënujore.

Përfaqësues nga 21 vende të Mesdheut, agjenci dhe organizata ndërkombëtare, si dhe drejtues të institucioneve shqiptare, përfshirë Ministrinë e Mbrojtjes, Ministrinë e Infrastrukturës dhe Energjisë, Ministrinë e Bujqësisë dhe Zhvillimit Rural, Ministrinë e Brendshme dhe Ministrinë e Mjedisit dhe Turizmit, do të jenë pjesë e këtij forumi për të adresuar sfidat dhe mundësitë në fushën e sigurisë detare.

Ky forum do të shërbejë si një platformë bashkëpunimi për një Mesdhe më të sigurt dhe të qëndrueshëm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit