SHTËPIA E BARDHË MBRON PËRDORIMIN E AKTIT TË ARMIQVE TË HUAJ TË VITIT 1798 PËR TË DËBUAR MENJËHERË ANËTARËT E BANDËS KRIMINALE TREN DE ARAGUA E CILËSUAR NGA SHBA-ës SI NJË ORGANIZATË TERRORISTE.

Uashington, Amerikë | Shtëpia e Bardhë mbron përdorimin e Aktit të Armiqve të Huaj të vitit 1798 për të dëbuar menjëherë anëtarët e bandës kriminale Tren De Aragua, një bandë venezueliane e cilësuar nga ShBA-ës si një organizatë terroriste.

“Administrata e Trump veproi brenda ligjit në përdorimin e Aktit për Armiqtë e huaj”, tha zëdhënësja e Shtëpisë së Bardhë Kerolain Levit (Karoline Leavitt).

“Ne kemi besim se do ta fitojmë këtë çështje në gjykatë - shtoi ajo - duke argumentuar se të gjithë avionët që i nënshtroheshin urdhrit të gjyqtarit (që kishin pezulluar lëvizjen e presidentit, red.) ishin ngritur përpara se urdhri të lëshohej në gjykatë”.

Presidenti amerikan Danlld Tramp (Donald Trump) investoi Aktin e Armiqve të Huaj të vitit 1798 për të dëbuar menjëherë anëtarët e Tren De Aragua (TdA), një bandë venezueliane e cilësuar nga SHBA si një organizatë terroriste.

Ai postoi në rrjetin social virtual “Truth” një video tronditëse të publikuar nga qeveria e El Salvadorit, ku tregon dëbimin e atyre që ai i quan përbindëshat e dërguar në vendin tonë nga i korruptuari Xhëu Baidn (Joe Biden) dhe demokratët radikalë të majtë.

Një video që tregon burra me duart dhe kyçet e tyre të lidhura, të shtyrë nga një avion dhe në autobusë nga policia e trazirave, më pas të transportuar në burg me një kolonë të madhe autobusësh të ruajtur nga policia dhe ushtria, duke u rruar kokat e tyre përpara se të vishen me uniforma të bardha dhe të futen në qeli të përkulur në 90 gradë.

Ligji shekullor, i përdorur vetëm tre herë deri më tani (në Luftën e vitit 1812, Luftën e Parë Botërore dhe Luftën e Dytë Botërore), lejon qeverinë të arrestojë, ndalojë dhe dëbojë emigrantët e paligjshëm mbi moshën 14 vjeç nga vendet që kërcënojnë pushtimin grabitqar të Shteteve të Bashkuara, pa u dhënë atyre një intervistë për azil ose një seancë dëgjimore në gjykatën e imigracionit.

Një veprim i diskutueshëm, të cilin, gjyqtari i qarkut të kryeqytetit Xheims (James) Boasberg e pezulloi për 14 ditë në pritje të shqyrtimit të themelit të apelit të pesë venezuelasve, duke urdhëruar që ndërkohë"çdo avion që niset ose fluturon me emigrantë duhet të kthehet në Shtetet e Bashkuara.

Paralajmërimi i tij, megjithatë, u shpërfill: dy avionë u ngritën nga Teksasi dhe deportuan 238 anëtarë të dyshuar të bandës venezueliane Tren de Aragua në El Salvador, ku ata do të qëndrojnë të mbyllur për një vit (i rinovueshëm) në një qendër paraburgimi terroriste, siç njoftoi presidenti i Salvadorit Naib (Nayib) Bukele.

Presidenti salvadoran, i cili, në të kaluarën e ka quajtur veten diktatori më i lezetshëm në botë, ka kërkuar gjithashtu që ShBA-ës të kthejë dy udhëheqës të rrezikshëm të bandës MS-13, si dhe 21 nga njerëzit më të kërkuar të vendit të tij.

Sekretari amerikan i Shtetit Marko (Marco) Rubio e falënderoi atë, duke thënë se presidenti Bukele e ka dëshmuar edhe një herë veten jo vetëm si udhëheqësi më i fortë i sigurisë në rajonin tonë, por edhe një mik i madh i Shteteve të Bashkuara.

Mbetet për t'u parë se si do të përfundojë padia, e ngritur nga Democracy Forward dhe ACLU në emër të pesë venezuelianëve, por që u kthye përkohësisht në një padi grupore, me fuqinë për të shërbyer si ndalim për dëbimin e të gjithë emigrantëve të ndaluar dhe që i nënshtrohen ligjit të thirrur nga komandanti i përgjithshëm.

“Sot ishte një ditë e tmerrshme në historinë e vendit, kur presidenti bëri publike se ai po thirrej në fuqi të jashtëzakonshme të kohës së luftës në mungesë të një lufte apo pushtimi dhe po pretendonte autoritet pothuajse të pakufizuar për të dëbuar njerëzit nga vendi, por sonte, sundimi i ligjit mbizotëroi”, tha z. Skai Perimen (Skye Perryman), president dhe CEO i Democracy Forward.

Presidenti Tramp (Trump), megjithatë, ka një mendim të ndryshëm.

“Unë konstatoj dhe deklaroj se TdA po kryen, tenton dhe kërcënon një pushtim grabitqar ose inkursion kundër territorit të Shteteve të Bashkuara”, shkroi ai në deklaratën e tij, duke i drejtuar prokurores së Përgjithshëm të tij besnike Pam Bondi që të nënshkruajë një letër brenda 60 ditëve duke deklaruar politikën e re të ShBA-ës dhe duke ia dërguar atë të gjithë guvernatorëve, duke përfshirë edhe ata në Gjykatën e Lartë.

Shefi i Shtëpisë së Bardhë po finalizon gjithashtu një ndalim të ri udhëtimi që kufizon hyrjen në SHBA nga 43 vende, me kufizime totale për ata në listën e kuqe, të pjesshme për ata në listën portokalli dhe diskrecionale për ata në listën e verdhë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit