SOS: 2 GABIMET QË KËRCËNOJNË ZONËN E NDJESHME.

Boston, Amerikë | Gratë që depilojnë zonën e tyre pubike ose veshin pantallona të ngushta rrisin rrezikun e zhvillimit të dhimbjes ose infeksionit në zonën e ndjeshme, sugjeron një studim i ri. Gratë që depilojnë zonën e tyre të ndjeshme kanë më shumë gjasa të vuajnë nga dhimbje afatgjata rreth organeve gjenitale, sipas hulumtimit të botuar në Journal of Lower Genital Tract Disease. Studiuesit nga Universiteti i Bostonit ndoqën 434 gra të moshës 18-40 vjeç, duke zbuluar se rreth gjysma e tyre vuanin nga dhimbjet e vulvës. Gjatë studimit, gratë janë pyetur për veshjet që kanë zgjedhur në jetën e tyre të përditshme, si dhe për zakonet e tyre në lidhje me kujdesin e zonës së bikinit. Siç doli, gratë që depiloheshin rreth organeve gjenitale të jashtme kishin 74% më shumë gjasa të kishin prerje të jashtme, sesa ato që depilonin vetëm vijën e bikinit. Përveç kësaj, zgjedhja e veshjeve të ngushta katër ose më shumë ditë në javë mund të dyfishojë rrezikun e zhvillimit të vulvodinisë (një dhimbje afatgjatë dhe e pashpjegueshme e vendosur në pjesën e jashtme të organeve gjenitale). Nga gratë në studim, 213 vuanin nga shqetësimi në zonë, ndërsa 221 të tjerat nuk kishin simptoma, megjithatë gratë që hiqnin të gjithë qimet pubike të paktën një herë në javë kishin pothuajse dy herë më shumë gjasa të vuanin nga vulvodinia, krahasuar me gratë që trajtonte zonën vetëm në vijën e bikinit dhe më pak se një herë në muaj. “Me prevalencën e heqjes së qimeve në rajonin pubik, veçanërisht te vajzat adoleshente, mikrovulsionet në këtë zonë të ndjeshme mund të predispozojnë gratë e reja ndaj komplikimeve imunoinflamatore”. “Në mënyrë të ngjashme, xhinset dhe pantallonat e ngushta mund të krijojnë një mjedis të favorshëm për infeksionet gjenitale, të cilat janë treguar të lidhura me dhimbjen e vulvës”, tha studiuesi Dr. Bernard Harlow. Kjo dhimbje është zakonisht një dhimbje e vazhdueshme brenda dhe rreth vulvës, e cila nuk shkaktohet nga ndonjë gjë e dukshme. Dhimbja mund të përfshijë një ndjesi djegieje ose pickimi dhe mund të përkeqësohet kur prekni vendin ose kur jeni ulur. Shkaqet e saj nuk dihen, por mendohet se është dhimbje nervore që mund të shkaktohet nga dëmtimi pas operacionit, lindja e fëmijës ose një nerv i bllokuar. Ekspertët theksojnë se mungesa e qimeve pubike tek adoleshentet, një tendencë që është bërë gjithnjë e më e zakonshme vitet e fundit, e lë lëkurën më të ekspozuar ndaj fërkimit, gjë që mund të çojë në komplikacione të ndryshme, si ënjtje, ndërsa veshja e ngushtë mund të rrisë shanset për zhvillim infeksionesh, të tilla si herpesi gjenital, ose vaginoza bakteriale. Nga z. Erton Duka.

© Copyright | Agjencia Telegrafike Vox