SOT OBSH PRITET TË KLASIFIKOJË ASPARTAMEN SI KANCEROGJENE | ROLI I D. RUMSFELD NË MIRATIMIN E “FDA”.

Nga z. John-Michael Dumais. Uashington, ShBA | Lajmet se Organizata Botërore e Shëndetësisë (OBSH) pritet që të premten të klasifikojë aspartamen si një “kancerogjen të mundëshëm”, ka rindezur një debat që është ndezur që kur Administrata e Ushqimit dhe Barnave e SHBA (FDA) miratoi për herë të parë ëmbëlsuesin artificial më shumë se katër dekada më parë. Aspartame e shitur me emrat e markave NutraSweet, Equal dhe Sugar Twin, përdoret gjerësisht në pijet e gazuara dietike dhe në produktet ushqimore, pa sheqer dhe me sheqer të reduktuar”, duke përfshirë akulloren, çamçakëzin, kosin dhe salcat e sallatës. Madje gjendet në produkte të tilla jo ushqimore si gargra dhe ilaçet kundër kollës. Vendimi që do të merret sot - nga krahu i kërkimit pothuajse i pavarur i OBSH-së, Agjencia Ndërkombëtare e për Kërkimin e Kancerit (IARC) - do të thotë se IARC gjeti vetëm prova të kufizuara që lidhin aspartamin me kancerin tek njerëzit, bazuar në sistemin e saj të klasifikimit të rreziqeve të mundshme, në një shkallë nga “kancerogjen”, në “ndoshta jo kancerogjen.” Kategoria e kancerogjenit të mundshëm të IARC përfshin gjithashtu ekstraktin e gjetheve të plota të aloe vera-s, disa perime turshi, rrezatimin elektromagnetik dhe tymra të shkarkimit të automjeteve, ndër të tjera. Ndërkohë që dekada të tëra kërkimesh të sponsorizuara nga industria nuk gjetën rreziqe nga aspartamja, kërkimet e pavarura kanë identifikuar një gamë të gjerë dëmesh, nga dëmtimi i mëlçisë dhe veshkave, deri te rreziqet e konvulsioneve dhe lindjes së parakohshme. Aspartamja ka qenë në radarin e IARC për më shumë se një dekadë. Vetëm pasi një studim francez vëzhgues i një grupi të gjerë, zbuloi se marrja e lartë e ëmbëlsuesve artificialë rrit rrezikun e kancerit të gjirit, dhe obezitetit, shkencëtarët e OBSH-së e vlerësuan se ia vlente hetimi i mëtejshëm. Studimet e mëparshme nga Instituti Ramazzini gjetën një korrelacion midis niveleve të aspartamit – aq pak sa rekomandohet për konsum ditor nga njerëzit – dhe rritjes së tumoreve malinje në organe të shumta te minjtë. Klasifikimi i IARC nuk përcakton nivele të sigurta të konsumit, por JECFA - Organizata e Përbashkët e Ushqimit dhe Bujqësisë e Kombeve të Bashkuara dhe Komiteti i Ekspertëve të OBSH-së për aditivët e ushqimit - po rishikon gjithashtu aspartamen dhe pritet të publikojë rekomandimet e saj për kufijtë ditore të pranuar, ditën e premte, që përkon me njoftimin e IARC, sipas Reuters. RREGULLATORËT E KONSIDEROJNË ASPARTAMEN TË SIGURTË. Aspartamja është përdorur në më shumë se 6000 produkte në mbarë botën që nga vitet 1980. Administrata e Ushqimit dhe e Barnave (FDA) e miratoi atë në 1981, duke e konsideruar të sigurt në doza nën 50 miligramë, për kilogram peshë trupore. Autoriteti Evropian i Sigurisë Ushqimore (EFSA) kreu një një vlerësim të plotë të rrezikut në vitin 2013, duke e gjetur gjithashtu aspartamen të sigurt për konsum njerëzor në 40 mg/kg ose më pak. EFSA kohët e fundit tha se nuk ka asnjë arsye për të ndryshuar atë vlerësim bazuar në provat aktuale. “Ka pasur një numër të madh studimesh të kryera mbi aspatamen të cilat, në masë të madhe tregojnë se është shumë e sigurt, dhe nuk ka fuqi kancerogjene”, tha për Reuters Dr. Samuel Cohen, profesor i onkologjisë në Qendrën Mjekësore të Universitetit të Nebraskës. Dr. Cohen ka shërbyer në një numër panelesh ekspertësh dhe është konsultuar për industrinë. Erik Millstone dhe Elisabeth Dawson, në punimin e tyre duke analizuar të gjitha studimet e rishikuara nga EFSA për të bërë përcaktimin e tyre të vitit 2013 për aspartamen, zbuluan se agjencia kishte trajtuar vazhdimisht një shumicë shumë të madhe të studimeve negative si të besueshme, duke zbritur secilin nga studimet, duke ofruar prova të dëmtimit si të pabesueshme. Industria e ëmbëltuesve artificialë ka bërë përpjekje të mëdha për të siguruar publikun se aspartamja është e sigurtë. Është e shqetësuar se rishikimi i JEFCA mund “të mashtrojë konsumatorët”, raportoi agjencia e lajmeve Rojters (Reuters). DEKADA DEBATI MBI SIGURINË. Që kur aspartamja hyri për herë të parë në furnizimin me ushqime, disa shkencëtarë kanë paralajmëruar për efektet e mundshme shëndetësore, duke filluar nga simptomat neurologjike deri te kanceri. Në vitin 1975, FDA ndaloi miratimin e aspartames, duke gjetur gabime në studimet e udhëhequra nga industria. Një meta-analizë e 164 studimeve zbuloi se nga “90 studime jo të sponsorizuara nga industria, 83 identifikuan një ose më shumë probleme me aspartamen”. “Nga 74 studimet e sponsorizuara nga industria, të 74 pretenduan se aspartamja ishte e sigurt”, shkruan Ronnie Cummins dhe Katherine Paul në 2013, në një artikull të botuar në Salon. Në vitin 1995, FDA dokumentoi 92 simptoma të lidhura me aspartamen, duke përfshirë migrenën, humbjen e kujtesës, krizat, obezitetin, infertilitetin, marramendjen, lodhjen, problemet neurologjike dhe një mori të tjerash, sipas Cummins dhe Paul. “Që nga viti 1981, kur produkti mori miratimet formale, ka pasur polemika të vazhdueshme”, i tha Rojters-it Peter Lurie, president i Qendrës për Shkencën në Interes Publik”, me qendër në SHBA (CSPI). Ne kemi bërë presion për një rishikim të IARC për shumë vite tani. VENDIMI I IARC KA PASOJA TË GJERA SIPAS CSPI. “IARC është një autoritet global për agjentët që shkaktojnë kancer. Ai ka klasifikuar kancerogjenitetin e mbi 1000 agjentëve, duke përfshirë kimikate, agjentë biologjikë dhe ekspozime të tjerra. Shoqëria Amerikane e Kancerit dhe EPA e Kalifornisë mbështeten drejtpërdrejt në klasifikimet e IARC për të përditësuar listat e tyre dhe për të paralajmëruar publikun për kancerogjenët.” CSPI ka udhëhequr luftën për ndalimin e aspartames, duke përmendur kancerin si shqetësimin kryesor shëndetësor. Në një përmbledhje të provave njerëzore dhe të kafshëve, CSPI përshkroi një sërë rreziqesh të mundshme të kancerit, duke përfshirë:

· Kanceri i mëlçisë dhe mushkërive.

· Një lloj i rrallë i kancerit të traktit urinar.

· Limfoma dhe leucemia, duke përfshirë limfomën jo-Hodgkin.

· Mieloma e shumëfishtë.

E drejta e Shteteve të Bashkuara të Amerikës për të ditur duke raportuar mbi dekada të punë të shkencës, që tregon për rreziqet serioze shëndetësore të aspartames, përcaktoi se këto rreziqe përfshijnë:

· Sëmundje kardiovaskulare.

· sëmundja e Alzheimerit.

· Konvulsionet.

· Goditja në tru dhe demenca.

· Disbioza e zorrëve.

· Obeziteti.

· Çrregullime të humorit.

· Dhimbje koke dhe migrenë.

· Lindja e parakohshme dhe foshnjat mbipeshë.

· Menarkia e hershme.

· Dëmtimi i spermës.

· semundja e Parkinsonit. Në maj, OBSh këshilloi konsumatorët të mos përdorin ëmbëlsues pa sheqer (NSS) për kontrollin e peshës, duke përmendur në paralajmërimin e tyre aspartamen, acesulfamin K, sakarinën dhe produkte të tjera. “Mund të ketë efekte të mundshme të padëshiruara nga përdorimi afatgjatë i NSS, si një rritje e rrezikut të diabetit të tipit 2, sëmundjeve kardiovaskulare, dhe vdekshmërisë tek të rriturit”, thuhet në këshillën e OBSH-së. Udhëzimet e OBSH-së provokuan një bujë kundër industrisë, me industrinë që argumenton se aspartamja “mund të jetë i dobishëm për konsumatorët që duan të reduktojnë sasinë e sheqerit në dietën e tyre.” Një numër studimesh e kundërshtojnë këtë pretendim, disa madje arrijnë në përfundimin se përdorimi i ëmbëlsuesve alternativë mund të shkaktojë shtim në peshë. ÇFARË LIDHJE KA Z. DONALD RUMSFIELD ME TË?

Nëse do të kishte kaq shumë studime negative, si hyri aspartamja në furnizimin tonë ushqimor? Kjo është pyetja që z. Cummins dhe z. Paul shtruan në artikullin e tyre në Sallon.

Përgjigja e tyre: z. Donald Rumsfeld, ish-Sekretar i Mbrojtjes i SHBA-së dhe ish-CEO i Searle, prodhues i aspartames.

“Në vitin 1981, Rumsfeld, i cili më parë kishte shërbyer si CEO i Searle, zgjodhi komisionerin e ri të FDA, të z Regan, i cili ishte z. Arthur Hayes Hull, Jr.… ”

“Më 21 janar 1981, një ditë pas inaugurimit të z. Ronald Reagan, Searle ri-aplikoi në FDA për miratim për të përdorur aspartamin si një ëmbëlsues në pije. Z. Hull, komisioneri i ri i FDA-së, i rekomanduar nga z. Rumsfeld, caktoi një Komision Shkencor prej pesë personash për të shqyrtuar vendimin paraprak të bordit të hetimit.” (Një bord hetimor ishte formuar në 1975 kur FDA vuri për herë të parë në dyshim vlefshmërinë e studimeve të Searle mbi aspartamin).

“Kur u bë e qartë se Komisioni Shkencor ishte në rrugën e duhur për të mbështetur ndalimin e vitit 1975 me një vendim 3-2, z. Hull vendosi një anëtar të gjashtë në komision. Kjo çoi në një votim të bllokuar. Z. Hull më pas hodhi personalisht votën për të thyer barazimin. Vuala (Voilà). Aspartamja u miratua.”

Jo shumë kohë më vonë, z. Hull u largua nga FDA për të punuar për një firmë PR, klientët e së cilës përfshinin Searle dhe Monsanto. Monsanto më vonë bleu Searle dhe e shkëputi kompaninë me emrin NutraSweet.

Për problemet e tij, z. Rumsfeld “fitoi një bonus të bukur prej 12 milionë dollarësh, me sa duket për rolin e tij në lyerjen e rrotave për miratimin e aspartamit.”

NDIKIMI I KLASIFIKIMIT TË IARC ËSHTË I PASIGURTË.

Vëzhguesit thonë se nuk presin ndonjë ndryshim të shpejtë pas njoftimit të së premtes. Unë nuk e kuptoj se si, pa studime të dizajnuara më mirë, ne mund të nxjerrim ndonjë përfundim mbi këtë vendim të IARC, i tha agjencisë së lajmeve Rojters (Reuters) Andy Smith, profesor me Njësinë e Toksikologjisë MRC në Universitetin e Kembrixhit.

Klasifikimi i parashikuar i IARC i aspartames ka të ngjarë të motivojë më shumë kërkime të krijuara për të ndihmuar agjencitë, konsumatorët dhe prodhuesit të nxjerrin përfundime më të forta. Por ka të ngjarë të ndezë edhe një herë debatin mbi rolin e IARC-së, si dhe sigurinë e ëmbëltuesve në përgjithësi, raportoi agjencia e lajmeve Rojters (Reuters). Copyright | Agjencia Telegrafike Vox