STAMBOLL: FILLOI RESTAURIMI I KUPOLËS SË SHËN SOFISË (HAGIA SOPHIA) | KISHA VIZITOHET ÇDO DITË NGA 50 MIJË NJERËZ (ERDOGANI E KËTHEU NË XHAMI).

Stamboll, Turqi | Ka nisur puna për restaurimin e kupolës së kishës së Shën Sofisë (Hagia Sophia), ndërtesës së shekullit të 6-të që ka qenë një vend i Trashëgimisë Botërore të UNESCO-s që nga viti 1985 dhe është një nga simbolet më të njohura të Stambollit.

Punimet në kube janë pjesë e një restaurimi të ndërtesës që filloi rreth dhjetë vjet më parë.

“Është një monument i rëndësishëm, duhet të ruhet, konservohet dhe restaurohet gjithmonë, vazhdimisht”, tha znj. Asnu Bilban Yalcin, e cila është pjesë e Komitetit Shkencor, të miratuar nga UNESCO, e cila, mbikëqyr restaurimin, në bashkëpunim me Ministrinë Turke të Turizmit.

Një profesoreshë në Universitetin e Stambollit dhe një historiane e artit bizantin e diplomuar në Universitetin La Sapienza në Romë, ajo theksoi rëndësinë e restaurimit të kupolës së madhe të Shën Sofisë (Hagia Sophia).

Gjatë periudhës së restaurimit, brenda do të ngrihet një skelë e madhe me katër këmbë çeliku, e cila, do të mbajë një platformë poshtë kupolës, e cila do ta bëjë vetë kupolën përkohësisht të padukshme.

Akademikja e përshkroi ndërtesën si një qenie të gjallë që ka jetuar shumë epoka të ndryshme.

E ndërtuar në shekullin e VI pas Krishtit si kishë e krishterë, Shën Sofia (Hagia Sophia) u shndërrua në xhami kur Kostandinopoja e atëhershme u pushtua nga osmanët në vitin 1453.

Por pas themelimit të Republikës së Turqisë në vitet 1930, ajo u shndërrua në një muze.

Në vitin 2020, presidenti turk Rexhep Tajip Erdogan vendosi të rihapë Shën Sofinë (Hagia Sophia) për adhurimin islam dhe e ktheu ndërtesën përsëri në një xhami.

“Është një ndërtesë unike, sepse është më shumë se 1500 vjet e vjetër dhe 1500 vjet më parë ishte një ndërtim shumë i guximshëm për kohën e saj”, tha ajo.

Që kur u rihap si xhami në vitin 2020, Shën Sofia (Hagia Sophia) është vizituar nga rreth 50000 njerëz çdo ditë, duke përfshirë besimtarë myslimanë dhe turistë.

Mozaikët bizantinë që e kanë bërë ndërtesën të famshme në mbarë botën mund të shihen duke paguar një tarifë hyrjeje prej 25 eurosh.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit