___.png)
STUDENTJA SHQIPTARE ILARIA SULA U GJET E VDEKUR | NË KËRKIM POLICOR U SHPALL NJË FILIPINAS ME TË CILIN DYSHOHET SE KISHTE LIDHJE SENTIMENTALE.
- Agjencia Telegrafike Vox
- Apr 2
- 6 min read
Romë, Itali | Është gjetur e vdekur znjsh. Ilaria Sula, 22-vjeçarja shqiptare e zhdukur më 25 mars në Romë.
Trupi i saj u gjet në një zonë të pyllëzuar, në fund të një përroske, pranë komunës së Polit, brenda një valixheje.
Hetimi penal lidhet me vrasje.
Hetimet e hetuesve të Policisë italiane të Shtetit të Skuadrës Fluturuese të Romës dhe komisariatit të policisë së Shën Lorencit (San Lorenzo), mesa duket janë fokusuar në një lidhje të dyshuar sentimentale, që ka përfunduar së fundmi, me një djalë me origjinë filipinase.
Lajm në përditësim - (2 prill 2025). 👇👇👇
Hetimi mori një kthesë dramatike gjatë natës kur hetuesit e policisë mbërritën në banesën e filipinasit në rrugën Homs (via Homs), në lagjen afrikane, ku në mëngjes policia mjeko-ligjore kreu një inspektim.
I njëjti i ri, me të cilin, viktima shkruante prej kohësh mesazhe në mbrëmjen e zhdukjes së saj, u identifikua nga policia dhe u dërgua në komisariat për t'u marrë në pyetje.
Ai pritet të arrestohet së shpejti.
Lajm në përditësim - (2 prill 2025). 👇👇👇
I dashuri 23-vjeçar i znjsh. Ilaria Sula është arrestuar për llogari të Prokurorisë së Romës.
Sipas asaj që mësohet, ai e ka vrarë vajzën duke e goditur me thikë në një apartament në kryeqytet dhe më pas ka hequr qafe trupin pasi e ka futur në një valixhe.
Prokurorët të koordinuar nga zv/prokurori Xhuzepe Kashini (Giuseppe Cascini) po e marrin në pyetje në zyrat e Komisariatit të Policisë.
Krimet janë vrasje me dashje dhe fshehje e kufomës.
Tabulatet dhe celularët e vajzës duket se kanë inkriminuar të dashurin e znjsh. Sula.
Duke i analizuar ato, hetuesit, të koordinuar nga Prokuroria e Romës, kanë identifikuar 23-vjeçarin, i cili, në ditët e zhdukjes së vajzës, e zhdukur që prej 25 marsit 2025, kishte përdorur telefonin e saj edhe për të postuar histori në profilin social të saj.
Lajm në përditësim - (02.04.2025) 👇👇👇
Vëllai i znjsh. Ilaria deklaroi:
“Pse? Nuk mund ta shpjegojmë? Pse e bëri? Nuk e kuptojmë pse e bëri, vetëm ai e di?”, tha Leoni - vëllai i vogël i znjsh. Sula, studentes njëzet e dy vjeçare e vrarë në Romë, e cila mbërriti në kryeqytet me disa të afërm
“Kam folur me Ilarinë herën e fundit dy javë më parë, sepse ajo erdhi të na vizitojë në Terni - kujton ai - ajo ishte e qetë dhe nuk më thoshte për problemet. Pastaj vetëm mesazhe, por nuk jam i sigurt që i shkruante ajo”.
Ndërsa për të arrestuarin ai tha: “E kam njohur, kanë qenë një vit bashkë por janë ndarë”.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Lajm në përditësim - (02.04.2025) 👇👇👇
ITALI: U ARRESTUA FILIPINEZI MARK ENTËNI (ANTONY) SAMSON | PROKURORIA E ROMËS E AKUZON SE VRAU STUDENTEN SHQIPTARE IRALIA SULA; KUFOMËN E FUTI NË VALIXHE DHE E HODHI NË PËRRUA.
Romë, Itali | Znjsh. Ilaria Sula, me moshë 22 vjeçe, ishte zhdukur që prej 25 marsit në Romë. Është arrestuar i riu me të cilin viktima kishte pasur lidhje sentimentale së fundmi.
Trupi i znjsh. Ilaria Sula u gjet mëngjesin e sotëm në një valixhe të mbyllur të hedhur në një luginë në rrugën provinciale 45B midis Kapranikës (Capranica) dhe Guadanjolos (Guadagnolo).
Kanë qenë disa persona që kanë frekuentuar një zonë pyjore në Poli, në brendësi të kryeqytetit, të cilët, e kanë pikasur dhe kanë lajmëruar policinë.
RRËFIMI I VRASËSIT MARK ENTËNI (ANTONY) SAMSON.
Hetuesit e Skuadrës Fluturuese shkuan në vendngjarje së bashku me zjarrfikësit për të gjetur trupin.
Ish-i dashuri ka rrëfyer se e ka vrarë. “Unë e hodha telefonin e saj në një pusetë në Romë dhe e ngarkova trupin e saj në makinën time dhe e çova në Poli”.
Këto janë disa pasazhe nga rrëfimi i studentit 22 vjeçar në Universitetin Sapienza, nga një familje filipinase, por lindur në Itali, Mark Entëni (Antony) Samson, prokurores Maria Perna që po e dëgjon në këto orë në komisariat me detektivët e skuadrës lëvizëse.
Prokuroria sqaroi se trupi nuk ishte prerë në copa dhe se z. Samson ndihmoi hetuesit të gjenin valixhen. Telefoni, megjithatë, ende nuk është gjetur.
Znjsh. Ilaria Sula kohët e fundit kishte pasur një lidhje me z. Mark Entëni (Antony) Samson, një shtetas filipinas 23-vjeçar, i cili u dërgua në komisariat dhe më pas u arrestua me akuzën e vrasjes me dashje dhe fshehjes së kufomës.
Analiza e tabulateve dhe qelizave të telefonit gjithashtu dukej se e kishte inkriminuar pasi vrasësi kishte përdorur edhe telefonin e viktimës për të postuar histori në profilin e Ilarias në rrjetet sociale.
E reja studionte për Statistika në Universitetin La Sapienza. Përveç familjes së saj, të cilët, kishin ngritur alarmin në rrjetet sociale të martën, për ta gjetur atë ishin mobilizuar edhe miq dhe kolegë duke publikuar fotografi të shumta të së resë.
Hetimi penal mori një kthesë dramatike gjatë natës kur hetuesit e policisë mbërritën në apartamentin e filipinasit në via Homs, në lagjen afrikane, dhe ku u krye një inspektim mjeko-ligjor.
I riu, me të cilin viktima shkruante prej kohësh sms mbrëmjen e zhdukjes së saj, u identifikua nga policia dhe u dërgua në polici për t'u marrë në pyetje dhe 23-vjeçari u arrestua.
Sipas asaj që mësohet, ai e ka vrarë vajzën duke e goditur me thikë në një apartament në kryeqytet dhe më pas e ka hequr trupin pasi e kishte mbyllur në një valixhe.
Sipas hetimeve paraprake të policisë, vajza u godit me thikë për vdekje. Nuk mund të përjashtohet që vrasja të ketë ndodhur në banesën në rrugën Homs (Via Homs) dhe më pas kufoma të jetë vendosur në një valixhe të madhe dhe të jetë nxjerrë nga Roma.
Më pas ajo u hodh në luginë ku u gjet më vonë në agim të së mërkurës.
Hetimet e mëtejshme po vijojnë në fshatin Poli ku u gjet valixhja me trupin e vajzës. Situata e ish -të dashurit mund të përkeqësohet në orët e ardhshme.
Në mbrëmjen e zhdukjes së saj, Ilaria me sa duket ishte larguar nga shtëpia me nxitim për të takuar dikë.
Prindërit e saj, të cilët jetojnë në Terni, raportuan se ajo nuk kishte sjellë asgjë me vete, madje as grim, por se celulari i saj mbeti duke punuar deri në një pikë dhe se dikush madje i ishte përgjigjur mesazheve të saj. Është e paqartë nëse ishte vërtet ajo. Pastaj heshtja.
Fqinji: “Dukej si kukull”.
“Një çift djemsh të lidhur ngushtë , ai - Markut - është një lloj kukull, i mirë , i qetë, i buzëqeshur dhe i sjellshëm. E pashë të hënën e kaluar jashtë zyrës sime. Ai ishte i qetë si kurrë më parë. E kam njohur edhe vajzën: e kam vizituar shumë herë, e fundit para disa muajsh. Ajo që ndodhi është absurd”, tha doktor Xhovani (Giovanni) Spano, dentist në klinikën Infinity Dental, një qendër dentare që ndodhet pikërisht pranë banesës ku u vra Ilaria.
“Ai jeton këtu me prindërit e tij, por vajza ka frekuentuar këtë shtëpi prej vitesh, tani ka kohë që nuk e kam parë. Jam i shokuar. Për vite të tëra, të gjithë qytetarët filipinas kanë jetuar në atë ndërtesë, ata janë shumë të qetë dhe të integruar në mënyrë perfekte me lagjen; ajo që ndodhi është e tmerrshme, por ne nuk e dimë se kush jeton në apartamentin në katin e parë”, thanë disa banorë të rrugës Homs që u mblodhën para ndërtesës së vogël ku mund të jetë vrarë njëzet e dy vjeçarja.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments