STUDIMI I BOTUAR NË REVISTËN “CELL REPORTS”: TRURI MUND TË RIPAROJË VETEN DUKE PRODHUAR NEURONE TË RINJ; MEKANIZËM I DOBISHËM PËR REDUKTIMIN E NEURODEGJENERIMIT.

Uashington, Amerikë | Është e mundur të stimulohet truri për të prodhuar neurone të rinj për të riparuar qarqet e trurit të dëmtuara nga sëmundjet neurodegjenerative si sëmundja e Huntingtonit.

Kjo është demonstruar nga një studim mbi minjtë, i botuar në revistën Cell Reports nga Qendra Mjekësore e Universitetit të Roçestërit (Rochester), në Shtetet e Bashkuara të Amerikës.

Edhe pse mendohej prej kohësh se truri i të rriturve nuk ishte në gjendje të rigjeneronte vetveten, ne tani e dimë se ai në fakt ruan nyje që përmbajnë qeliza paraardhëse të afta për të prodhuar neurone të rinj.

Ato zakonisht e bëjnë këtë në fazat shumë të hershme të zhvillimit, ndërsa menjëherë pas lindjes kalojnë në prodhimin e qelizave mbështetëse, të ashtuquajturat qeliza gliale.

Qelizat qelizore paraardhëse janë të vendosura pranë një rajoni të trurit, striatum-it, i cili, është dëmtuar rëndë nga sëmundja e Huntington-it, një çrregullim neurodegjenerativ gjenetik që ndikon në koordinimin e muskujve.

Studimet e mëparshme në minj dhe primatë kishin treguar tashmë se dy proteina, BDNF dhe Noggin, mund të zgjojnë këta paraardhës në tru për të migruar në striatum dhe për t'u diferencuar në neurone me gjemba të mesme, të cilat janë më të prekura nga sëmundja e Huntington.

Hulumtimi i ri, i kryer në minj, tregon për herë të parë se neuronet e reja lidhen me qarqet komplekse të trurit që kontrollojnë lëvizjen, duke zëvendësuar funksionin e neuroneve të prekur nga neurodegjenerimi.

“Në këtë punë, ne përdorëm një kombinim të elektrofiziologjisë, optogjenetikës dhe sjelljes së kafshëve për të demonstruar se këto qeliza jo vetëm që prodhohen në trurin e të rriturve, por ato rivendosin funksionalisht qarqet motorike, si te minjtë e shëndetshëm, ashtu edhe te minjtë me sëmundjen e Huntingtonit”, shpjegon autori i parë i studimit, Jose Kano (Cano), i cili, punon në laboratorin e Stiv (Steve) Goldman, një nga të parët që zbuloi trurin e të rriturve.

Gjetjet e studimit sugjerojnë një strategji të re kundër sëmundjes së Huntingtonit, e cila, përfshin nxitjen e trurit për të zëvendësuar neuronet e sëmura me të reja, duke rivendosur kështu qarqet e lëvizjes.

“Duke pasur parasysh qëndrueshmërinë e këtyre qelizave paraardhëse në trurin e primatit të rritur - tha neurologu Abdellatif Benraiss - këto gjetje sugjerojnë potencialin e kësaj qasjeje rigjeneruese si një strategji trajtimi për sëmundjen e Huntington-it dhe çrregullime të tjera të karakterizuara nga humbja e neuroneve në striatum”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit