SUEDI: RRITJE E PABARIZISË EKONOMIKE; 1 NË 3 PRINDËR TË DIVORCUAR NUK MUND TË PËRBALLOJË TË BLEJË USHQIM TË MJAFTUESHËM; FËMIJËT NUK PËRBALLOJNË DOT BILETËN E AUTOBUZIT.

Stockholm, Suedi | Një në tre prindër të vetëm në Suedi nuk është më në gjendje të sigurojë ushqim të mjaftueshëm për familjet e tyre, për shkak të rritjes së pabarazisë ekonomike që i godet më së shumti fëmijët, sipas një sondazhi nga Verian i porositur nga bamirësia Majblomman, Kryqi i Kuq dhe Radda Barnen, dega suedeze e Save the Children, së bashku me shoqatën e qiramarrësve Hyresgastforeningen.

“Ne shohim se nënat dhe baballarët beqarë me fëmijë që nuk kanë të ardhura të konsiderueshme kanë një situatë vërtet, vërtet të keqe në Suedi për momentin”, tha për agjencinë e lajmeve “AFP” znj. Ase Henell, sekretari i përgjithshëm i shoqatës bamirëse Majblomman, e cila, lufton varfërinë e fëmijëve.

“Ata duhet të zgjedhin mes ushqimit dhe veshjes dhe fëmijët nuk mund të shkojnë në stërvitje futbolli apo mësime muzike, duke mbetur të izoluar nga konteksti social”, tha ajo.

Suedia ka parë disa vite inflacion të lartë, veçanërisht në çmimet e ushqimeve, me shumë familje të ngarkuara gjithashtu nga pagesat e rënda të hipotekave me norma të larta interesi.

“Fëmijët janë më të prekurit nga pabarazia ekonomike dhe i vuajnë pasojat shumë shpejt”, thanë organizatat.

Për më tepër, shumë adoleshentë që marrin punën e tyre të parë sezonale nuk janë në gjendje të përballojnë transportin publik për të shkuar në punë.

Për të trajtuar pabarazinë, të katër organizatat i kërkuan qeverisë suedeze të rrisë përfitimet e fëmijëve dhe t'i indeksojë ato në inflacion, si dhe të prezantojë aktivitete argëtuese dhe transport publik falas për të gjithë fëmijët.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit