SUPER SKANDAL ME VAJZËN SHQIPTARE NË GREQI | FALSIFIKOI MESAZHET DHE DETYROI TË ATIN FATMIR TARELLARI NGA POLIÇANI TË VRISTE DAJËN E SAJ ERJON PELIVANI TË CILIN E AKUZONTE PËR DHUNË SEKSUALE.

Larisë, Greqi | Një kthesë e re në konkluzionet gjyqësore të vrasjes së z. Erjon Pelivani doli në dritë në Gjykatën me Juri të Përzier të Larisës.

Vrasja e tij u krye nga z. Fatmir Tarellari.

Vajza e vrasësit Tarellari me moshë 19 vjeçe ka pranuar se falsifikoi mesazhe me tekst për të bindur të atin për të vrarë dajën e saj Pelivani.

Z. Fatmir Tarellari nga Policani, akuzohet për vrasje me dashje në gjendje të qetë mendore, për armëmbajtje pa leje dhe për përdorim arme.

Më 9 janar të vitit 2024, me pushkën e tij të gjuetisë, pak jashtë Volosit, pranë një fabrike çimentoje, i ngriti një kurth vdekjeprurës kunatit të tij Pelivani, mbi të cilin, shtiu duke e plagosur për vdekje.

Z. Tarellari u bind nga vajza e tij se kunati i tij 33-vjeçar ishte ai që e përdhunoi kur ajo ishte një vajzë e vogël.

Z. Tarellari mori një telefonatë nga pronarja e vajzës së tij studente, e cila, i tha se nuk e kishte paguar qiranë, edhe pse ai i kishte dërguar paratë rregullisht.

Vajza thuhet se deklaroi në atë kohë se ishte e detyruar t’ia jepte paratë dajos së saj 33-vjeçar sepse ai po e shantazhonte duke i thënë se do të publikonte foto të veprimeve të saj të pahijshme.

Në fakt, që ta bënte të atin ta besonte, ajo i tregoi mesazhe me tekst (SMS) në telefonin e saj celular.

Hetimi paraprak i ndërmarrë nga Drejtoria e Hetimeve Penale të Policisë Helenike vërtetoi falsitetin e mesazheve duke përmbysur faktet penale të çështjes nën hetim.

Vajza e vrasësit Tarellari, gjatë dëshmisë së saj dje, pranoi se, për t’u besuar nga i ati, falsifikoi mesazhet SMS që shkëmbente me të dashurin e saj, në një mënyrë të tillë që dukej sikur dërguesi i mesazheve ishte daja i saj Pelivani.

Gjyqi filloi me të pandehurin Terellari që vuri në dukje se i vinte keq për atë që kishte ndodhur; duke shtuar se ato ditë ishin ditët më të këqija të jetës së tij; kur mësoi se çfarë i ndodhi vajzës së tij ishte në gjendje shoku.

Gjatë seancës së disa ditëve më parë, dëshmuan një numër dëshmitarësh. Gjyqi penal do të vazhdojë në ditët në vijim.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit