TEORITË KONSPIRATIVE TË URAGANIT MILTON JANË TË SHFRENUARA: SIPAS TYRE ADMINISTRATA E PRESIDENTIT BAIDN (BIDEN) KONTROLLON MOTIN | DEPUTETJA AMERIKANE POHOI SE QEVERIA KA MJETE.

Uashington, Amerikë | Teoritë konspirative të uraganit Milton janë të shfrenuara.

Sipas tyre administrata e presidentit amerikan Baidn (Biden) kontrollon motin

“Jo, Uragani Milton nuk ishte i prodhuar. Pretendimet e rreme që sugjerojnë se uragani ishte inxhinieruar dhe se moti i Floridës po manipulohet janë përhapur në mediat sociale orët e fundit.

Nuk ka asnjë teknologji që i lejon njerëzit të krijojnë dhe kontrollojnë uraganet”, vëren enti mediatik britanik BBC.

Por në platforma si Iks (X) dhe TikTok, postimet që pretendojnë - pa prova - se qeveria amerikane po kontrollon fshehurazi motin janë parë miliona herë.

Shumë prej tyre u postuan nga llogari të njohura për përhapjen e teorive konspirative, si dhe dezinformata rreth epidemive, etj.

Presidenti i SHBA-ës Xhëu Baidn (Joe Biden) i quajti pretendimet përtej qesharakes, duke shtuar se kjo gjë është kaq budallallëk, sa duhet të ndalet.

Ai po i përgjigjej deputetes republikane Merxhori Teillër Grin (Marjorie Taylor Green), e cila, ditët e fundit ka thënë në llogaritë e saj në rrjetet sociale se qeveria amerikane mund të kontrollojë motin.

Teoricienët e konspiracionit thonë se uragani Milton, një nga stuhitë më të fuqishme në historinë e fundit të SHBA-së, u krijua qëllimisht nga forcat në hije në zemër të politikës amerikane.

Por rrëfimet që e bënë këtë pretendim ofruan disa shpjegime të ndryshme se si duhej të ndodhte kjo.

Disa kanë fajësuar teknikat e manipulimit të motit si mbjellja e reve që përfshin manipulimin e reve ekzistuese në përpjekje për të krijuar më shumë shi, për shembull në vendet me klimë të thatë.

Por juglindja e SHBA-së ishte goditur tashmë nga reshjet masive nga uragani Elin, i cili shkaktoi përmbytje vdekjeprurëse në disa shtete vetëm dy javë më parë.

Përdorues të tjerë fajësuan gjeoinxhinierinë - një gamë e gjerë metodash të manipulimit të mjedisit për të reduktuar efektet e ndryshimeve klimatike.

Por nuk ka mjete që do t'i lejonin njerëzit të krijojnë ose kontrollojnë stuhi si kjo.

“Nuk ka asnjë mundësi për të përdorur njohuritë dhe teknologjinë aktuale për të përdorur gjeoinxhinierinë për të modifikuar uraganet”, siguron znj. Susanna Camargo, nga Observatori i Tokës Lamont-Doherty, në Universitetin e Kolumbisë.

Uraganët janë sisteme natyrore të motit.

Ato zakonisht fillojnë si ajo që njihet si një valë tropikale - një zonë me presion të ulët ku zhvillohen stuhitë dhe retë.

Ndërsa erërat e forta e largojnë këtë sistem nga Afrika dhe drejt Amerikës, ajri i ngrohtë dhe i lagësht ngrihet nga Oqeani Atlantik tropikal dhe sistemi i reve dhe i erës fillon të rrotullohet.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit